今日凌晨三點訓到9點鐘到就起身同條神手去開工,去到被人曲線串完一輪就叫我守門口,做啊做,到左2點幾先吃飯,吃飯途中,條仆街講柒野,我爭d噴飯出黎,之後有條友唔見左部手機,我就幫佢搵一搵,可惜都係搵唔到,3000幾蚊ge手機就係咁比人攞左。
3點幾個陣,有幫cosplay係到玩街舞機,跳得超激,n多人圍觀,最後成了吸引客人ge工具之一。
5點幾個陣,我做到好攰,神手條仆街周圍走,我算數,廢事咁柒插佢,但係唔係路啊,佢要同+寶同阿ben玩,冇所謂,要我同+寶個d講佢冇份做都冇所謂(理由超無聊),你要威要型更冇所謂,但係我真係估唔到佢咁柒,我個陣企足勁耐,終於有個珠海ge大學生同我換個位,我做坐個個,but都係冇得去廁所,所以我就想打電話叫佢黎替一替我,佢第一次唯唯諾諾咁應承左,但係好耐都未黎,我真係急啦,再打,條神手竟然話我到度都夠人啦,所以就唔黎了~~~~~,最後我好好彩咁捉到個野黎幫我.
講真,我開始個陣真係好嬲,佢寧願去打機都唔肯抽3分鐘比我,只係3分鐘,我對佢好失望,到左吃飯個陣,我見到佢又記起,不過我諗開左,唯有算數。
不過有一樣野要講一下,神手你真係唔好再將兄弟兩個字掛係嘴邊,至少唔好係我面前講,你未明呢兩個字係代表物,或者講你比9鴻更自私更虛偽,我沒有要跟你翻臉的意思,我只係講出我一直心裡面ge諗法,我講出黎係唔想我地有咩隔閡,講真,我最近真係有少少唔妥你,有時我仲會搵龍哥講下你壞話,所以我都唔係咩正人君子,或者係我要改下我ge相處方式,無論對你定係對其他人。
|
