2008 年 5 月 22 日 星期四  |
| 保險 |
分類: 未分類 |
人無百日好.花無百日紅,人無事時買保險就會嫌貴.當有事時就嫌陪得少,今次大伯發生意外,問佢有冇買保險,佢話無wo,有時做人有計划,點都好過發生咗事先后悔ge,如果不幸死咗,咁的仔女點吖,諗住去保良局定卸俾其它親人負責ar,做人父親咁不負責任都有ge,佢人須冇生命危險,但日后生活一定成問題la.陪償大陸路邊圍欗.罰款.房租.吃飯.真係唔知佢有什么打算.我有錢都會扶貧ge,目前我莫財都不知几徬徨,真係愛莫能助ar.
|
2008 年 5 月 21 日 星期三  |
| 半夜追魂call |
分類: 未分類 |
零晨3.45am奶奶打電話嚟話大伯係深圳撞咗車好嚴重,要求回港做手術,佢而家上琛圳,老公又係東莞,我嚇醒咗,問佢聯絡咗救護車末,佢話唔知點做,我打999聯絡話救護車唔過得境ge,一定要當地醫院救護車到口岸交接.唉...希望佢大步欖過無事喇.
好彩無生命危險,右漆頭破損,盆骨爆裂醫番都要半年ar,須無生命危險.但架車己報廢.好似吃飯個碗打爛咗,又無錢買過咁,唉....愈窮愈見鬼,福無雙至禍不單行ar.都為佢以后生活擔憂ar. |
| 2008 年 5 月 20 日 星期二 |
| 2008-05-20 |
分類: 未分類 |
原來向銀行借貸咗買樓,如果無買保險的話,不幸咁好似四川咁,死人.摧毀咗樓房一樣要繼續供款,除非滅門銀行先當坏賑.總之唔死都一身債 la.唉....做人有時都几無奈ar.善后都不是三時五刻處理好的,身為中國人,自己都盡少少力la,好似去買六合彩.馬會有捐款箱咪捐20元,去街市買餸見捐款箱咪又捐20元,總之見到,自己能力內咪捐lor.須然唔係物野錢,當一點心意咁la.
睇報紙睇咗兩則感動到我ge災埸新聞.一則係有個媽媽用身体擋住瓦歷,佢將几個月大BB抱緊,并在臨死時將乳房擺入BB口中,令BB在被救出時仍生存臉仔仲紅紅,救援人員將BB抱離媽媽身体時仲大哭,救援人員都被呢景像感動
.另一則係救援人員係間破屋內發現個媽媽雙腳跪地雙手按住地下己無氣息,准略離開.好彩個隊長臨走用手係个媽媽身下摸索一下,發現有個3個月大BB,用被仔包住睡着.被仔內有一手機,留咗段短訊"孩子如果你可以活着,請記住媽媽很愛你的"可能係個媽媽臨死前,用盡力氣留下的.睇完呢兩則新聞,父母對自己子女的無私實非筆墨可以形容. |
| 2008 年 5 月 19 日 星期一 |
| 心情复雜 |
分類: 未分類 |
人係感情動物,情緒有高低,仲有不滿.不快,當睇到四川災區的處境,人係几咁惶恐.無奈,己經唔想抱怨,應真惜眼前所有,睇到災場一具具小孩子的尸体,父毋痛不俗生.家破人亡情景,自己應慶幸一家人平平安安,自己辛苦的算 la.不想抱怨了.
聞說四川都江堰係風景秀麗的旅遊區,在半山好多美麗的高尚別墅一幢要過千萬人民幣,係好多人一生的夢想之家,但12/5/2008下午2:28PM地動山瑤,傾刻掩沒咗好多大好家庭,所以人無論貧窮.富貴當天災.死神來臨時係平等的.相比呢的富裕災民自己尚算幸運,起碼唔使死𥚃逃生,錢無咗咪揾過lor,畢竟生命無咗唔可以重頭來過. |
| 2008 年 5 月 18 日 星期日 |
| 嫌三嫌四 |
分類: 未分類 |
究竟我係咪自找,家頭細務由起身煲茶.晒衫.摺衫.抹地.買送煮飯,基本由星期一至星期日沒完沒了,有時好累.病咗都係一樣咁做,無怨假的.但怨完一樣要做,有時星期六.日好想放低下唔煮一餐,都為咗你哋想吃住家飯而放棄休息,但似乎變咗理所當然,不但唔感激仲嫌三嫌四,你休息係屋企令我好大壓力ar,其實我已經好大壓力.好辛苦ga la,真係唔知可以支持几耐.你有無体諒我ge呢?好似昨日你就識去釣魚,物都唔理,我同你媽去探你留醫个妹再探自己个媽,你呢一次都沒去探過我媽 la,回來累到死都煮俾你哋吃,今日行完山好累都煲好湯.綠豆沙.洗定菜.你炒个菜,蒸魚,己發癲.唉.....如果真係咁都.....還有什么好說,我受夠了,以后你想吃住家飯自便.我出去吃碗粥都滿足的,唔想為完你重要俾人嫌.勁唔開心ar.仲敢指望其它,妄想 la.
唔通呢的老男仔都係咁ge,昨天番深圳个妹先同我講姐夫成日嫌大家姐這樣那樣,大家姐一日做到黑,都無功勞淨識嫌三嫌四勁煩,唉佢都仲好的姐夫煮埋俾佢吃,做埋所有家頭細務.嫌下都抵吖,佢除工作外物都唔做,但我工作/家務所有做物都俾佢挑剔,仲使攢得多過佢,做得多過佢,都係咁.勁心理唔平衡,反而勁蝕后,有些內疚.忍.......伹唔知自己几時會懪炸 |
|
|
|
