2008 年 5 月 5 日 星期一  |
| 世事無絕對 |
分類: 未分類 |
星期五下午細佬俾電話我,叫我將所有錢買一只創業板毫子股,佢朋友訓身買咗,有消息炒上$1~$2,當時第一個反應佢好傻.咁高風險.驚万一停牌死梗.唔買又驚升咗俾佢怨,勸佢買少的la.係$0.495買咗33萬股應酬下佢,諗住小心使得万年船,睇定的先算,點知今早唔升,下午升咗20%升到$0.6.今次或者佢的料堅呢?因世事無絕對ma.要客觀的.唔好咁主觀.否則會見財化水,錯失良機.咁就閉家了 la.
|
| 2008 年 5 月 4 日 星期日 |
| 快感 |
分類: 未分類 |
中午irene打電話番來,話佢係學校擺檔賣出披肩.飾物收入有U.S$100元好開心.攢錢快感好興奮呢?雖然攢得唔多.但對自己有番自信心先最緊要ma.當你對揾錢有慾望.有信心,己經踏出成功的一步了,有機會做富阿女了.希望努力搵錢之余也要努力學業 la.
本來今日約咗家婆.個女在家吃飯的,仲煲定湯.但五點几阿強一家出咗來約6:00PM客家好棧吃飯,人地一家難得出來叫到唔好意思推咪叫埋家婆同个女去 lor,點知個電話放手袋內,酒樓入面又吵耳聽唔到,搞到个女兩頭唔到岸,對唔住 lor,其實去到先知係阿英兩公婆仲有佢的朋友.係佢請并已叫菜,十個大人叫咗个六人套餐.都唔够吃.都唔敢吃添 la,仲一家人去吃,勁尷尬ar,早知情愿唔去吃,搞到自己好似好貪少便宜去吃人咁,情愿自己煮ar,唉..又衰咗 la.請人吃飯唔係要菜足飯飽ge咩,請到驚人吃多咗咁,不如唔好請 la,咁寒酸,我雖然無佢咁有錢,但請得人吃飯一定要大家盡興 lor.阿女應該你好彩無去到. |
| 2008 年 5 月 2 日 星期五 |
| 困難 |
分類: 未分類 |
早几日老公問我老咗唔知使唔使擺天光墟呢?我話只想過自己有能力時去點幫助天光墟擺檔ge窮人,或者樂觀ge人係唔會咁諗 la,只係相信無論什么困難總會過去的,正如黑夜總會過去,黎明必會到來一樣.相信一個人如果有希望,有期望,做人先會有人生目標同意義.無論几困難都可以克服的,為脫貧努力中!
今晚个老公去南油釣魚3日,講真ar從來只有待溥自己,未待溥過老公.子女.有什么苦自己吞,唔想佢哋捱.唔想佢哋擔心.但有時自己真係好辛苦架,環境好時又係自己一個,無人可分享到心𥚃歷程,好似想買樓話唔好.話換車遲的先,出去吃餐飯都話唔好吃,想去行下街話最討厭,仲有什么人生樂趣,其實我唔怕窮,怕無人可真誠分享,有時放下壓力想放鬆下都唔得ar,都几無奈ar.所以旅行係一種解脫-減壓因可以遠離股市,讓心跳減速,可以唔使做家務.可以行街買野,今年希望可以翻身,二~三个月去一次旅行於愿己足la.個市轉好咗,有機會的.每天都盼望中.北海道.美國.馬爾代夫.沙巴.蘇梅島.澳洲.歐洲.都想一遊或再遊.努力!!!去加油!!!! |
| 2008 年 4 月 30 日 星期三 |
| 破財擋災 |
分類: 未分類 |
今日下午2:50pm先知個街車上錯貨,知道個一刻,差的暈低ar,根本完全都唔同廠.唔同貨,唔同件數咁都錯ge,做咁耐末試過出呢的錯ga,好彩大步檻過.如果唔係俾人告走私.都唔知點死ar,係知個刻個市本來升20~40几點ge.突然大跌150几點,當知道過咗關無事先掉頭恒指跌少咗期指仲倒升72點,要破財另揾速遞上過貨又唔見一萬几仟,好邪ar或者應向好方面睇,好似劉小姐話齊,咁都俾我哋發現,仲過到關有如神照,應該破咗財擋咗災,無事ge la. |
| 2008 年 4 月 29 日 星期二 |
| 貧窮 |
分類: 未分類 |
每晚無線10:35"一百萬香港人的故事,講香港貧窮問題,愈睇愈驚.驚自己老咗無錢折墮到擺天光虛攢1~2元 ge生活費ar,我唔要貧窮ar.我情愿有錢去幫呢的人,唔想俾人幫個的ar,一定要脫貪ar.我好驚窮ar,希望個天俾機會我快的遠離貧窮la. |
|
|
|
