2007 年 2 月 3 日 星期六  |
| 負擔 |
分類: 未分類 |
可能背負過多負擔,成日想搵多啲,終於物都清算晒啦,搞到發夢都發到自己要去做佣人還債,几咁慘吖.嚇醒咗.好彩係發夢.要我不負責任又做唔出,要再承擔咁多責任又已經能力有限.做人難,做女人更難,做人老婆,阿媽更...十分艱難.點好呢?
|
| 2007 年 2 月 2 日 星期五 |
| 明日的希望 |
分類: 未分類 |
今日起身前右眼係咁跳,感覺非吉兆.果然再跌15%.可能阿Q精神啦,亦希望奇跡出現,我買个的股票跌到無影,已由心慌慌,手震.腳軟變為有點痳木,無感覺.中午收市又上番昨日个價無升跌.有時堅持末必係好事,但在此時才止蝕肯定是輸晒.為有見步行步.將損失減低.希望留得青山再那怕無柴燒.下午收市前終於唔想背負過多風險出咗3/4,15万股貨已所餘無几,又要从新有排捱呀,今次真係貪之過好心瘍,真係怕自己一時睇唔開ar,要慢慢調節思緒,等心理平伏的先再算,從無到有,又從有變無,今次係自已心緒不寧,無冷靜分釋形勢定下止蝕,所以注定失敗!并一錯再錯溝貨,引至泥足深堪.不能自撥.唉.暫時真係唔知點算,等我冷靜下先,而家真係有度日如年既感覺,日日好似行尸走肉.日子十分難過吖,等清醒咗又要面對現實,要從新布處過,從邊跌低再從邊爬番起身,永不放棄!不過經歷今次教訓,學會知足常樂.揾較要識收手.不能再貪得無厭. |
| 2007 年 2 月 1 日 星期四 |
| 求存 |
分類: 未分類 |
星期日明珠台睇咗一出'月黑高飛'既西片,係講一个銀行家被判謀殺佢老婆同佢情夫判終身藍禁,係獄中佢運用專業知識,令佢免再被其它基佬侵犯,及得獄警.獄長信任,更被獄長利用其專長使黑錢做假帳.但當坐咗19年怨獄后.機緣巧合在獄中一个年輕小犯獲悉,佢老婆同情夫係一个小偷入屋偷野被發現剎咗佢哋既時候,要求獄長幫佢翻案,但獄長推搪,并將該小犯殺死,令其翻案無望,表面佢𠈄服獄長,其實佢己做好逃獄准畧,好似佢同一个較好黑人犯講.係呢度只有二條路,一條係等死,一條係努力生存,係獄中坐咗19年,用一把9吋長小錘仔.鑿咗條隧道逃獄成功,係太平洋一个小島重過新生活.當日佢問黑人犯買錘仔時,仲話佢唔好諗欏呢把錘鍳牆起碼要6百年吖.點知係咁艱難既日子19年里永不放棄,終於成功,睇完呢出片俾到我好大感受,就係的'賓架'係咁劣既環境都可以咁冷靜,我呢的師奶仔係股市邊係佢哋對手呢?吃埋散户話都無咁易啦.佩服佢可以咁有毅力,才可造就成功. |
| 2007 年 1 月 30 日 星期二 |
| 日子 |
分類: 未分類 |
快樂的日子很快過,艱難的日子好難捱,本來諗住19/2去旅行開心下既,而家去唔成,算啦,可能天都知我損失慘重,無心機玩既啦,呢三個星期的日子真係十分慢長,今次病到死,連腦都唔靈活,無當機立斷止蝕,錯失良機有排等吖,好似今次連信心都失晒,日子真係十分難過吖.希望仲有機會翻身啦,但指數升咗咁耐,仲咁高添,係呢的位已經勝算唔大,除非有奇跡出現啦.係高位跌落來俾人形容為'坐艇'終於明白啦,當你唔識游水坐住艇係汪洋大海里浮浮沈沈,睇唔見岸既忐忑心情就好似而家坐緊艇既我啦,希望快的見到岸啦. |
| 2007 年 1 月 29 日 星期一 |
| 識諗啦 |
分類: 未分類 |
都咁大个人,思想仲咁幼稚,搬番來住,一喼二喼放係廳己經冇位行啦,仲有一袋二袋到處擺,屋企有份住無份執,地都無抹過次,的衫識換唔識洗,洗好晒好都唔會主動摺,都算啦,仲好意思,想叫人上來開枱.開P,你究竟知唔知羞字點寫既呢?除非你的朋友同你一樣貨式,都係將屋企搞到亂七八遭唔介意人點睇既人黎,我實在唔好意思俾人見到咁亂.唔該你以后唔好亂叫人上來屋企,你唔要面,我都要架,人哋唔知仲以為我咁懶添吖.先此聲明,再係咁,唔該你搬走啦. |
|
|
|
