2006 年 10 月 24 日 星期二  |
| 健康 |
分類: 未分類 |
今日身體仲係好唔舒服,呼吸都心口痛,成身都疼痛, 又成身標晒冷汗,都唔知咩事,除咗生仔末試過咁鬼莘苦既,真係有錢都無用吖,唔通個天要我知道錢唔係万能,健康才最重要,唔好咁貪心?唉!都係做唔成有錢人既 la.周身唔舒服搞到對个股市都無喱心機,無晒判斷力#1305 係$2.08沽出150K收市跌至$2.01,尚余50K.轉買#9014 係1.28 入100k係$1.19.入100k平均價$1.235.共200k.收市微跌.
個仔班主任終於都打電話黎投訴佢欠交9次工課,比我想像中己遲佐,原來右眼跳是預兆黎既,佢究景几時先成長.識唸呢?自己身体越來 越差都唔想去面對,因為如果檢查后知道坏結果,惊自已接受唔到,的仔女都末自立,唔放心佢哋.但如果個天要咁對我都無辦法.
|
| 2006 年 10 月 23 日 星期一 |
| 2006-10-23 |
分類: 未分類 |
今日成日都頭暈.標晒冷汗好唔舒服,都無心機睇住個市.收市后睇下#1305跌至$2.02.可能有兩只窩輪到期發行商壓低結算和工商銀行抽股套現.引至大市下跌.明天再算. |
| 2006 年 10 月 22 日 星期日 |
| 行山樂 |
分類: 未分類 |
今日同老公一齊搭巴士到大埔松仔園行山,開頭行上梯級行到氣咳,又身水身汗十分幸苦,行過呢梯段.有綠樹林蔭.小橋流水,環境清優又涼亭.又唔晒,几爽,每星期行吓身体都好的,不過唔知點解的仔女完全無興趣喎,有時老公掛住釣魚,想佢哋陪都難,仔大女大又如何,到頭嚟都係自己顧自己.
昨晚發佐個惡夢嚇醒搞到失眠添,個夢係咁既,唔知點解我哋屋企會捉佐只大老虎仲拿一個類似分体冷氣機既物体困住佢係我間房張床度,我就買咗大鐵練唸住將佢搬出門口凹位鎖住佢,點知搬佢落嚟時,佢跌佐出黎我淨係識捉住佢對腳,佢前腳用膠紙捆住,佢一下就拆開,打開血盆大口打欠路,嚇得我不知逃跑還是繼續捉住佢時嚇醒佐,呢時睡在隔離個老公(佢屬虎喎)睡到咕咕....聲鬼咁恐怖.唔知有物啟事呢? |
| 2006 年 10 月 21 日 星期六 |
| 夢想 |
分類: 未分類 |
今日周末股市休息,等阿仔補完習1:00AM一齊出去吃午餐,雙魚亭的水准差佐好多.吃完飯我自己係上水到處行吓,咁就行到3:00PM買餸回家,睇吓報紙.什誌又無聊咁一日 la.忽然有個想法就係努力搵錢做個有錢人先得,首先要認真對待的錢無論小錢.大錢有收獲就要攢,因為如果我有錢既話,想去旅行北海道.美國.馬爾代夫.歐洲想去就去la,想虛荣吓鑽石.名牌想買就買.几好吖,我一定要想物有物.一定要努力向目標進發短期(一年)100萬(三年)中期500萬(五年)長期1000萬,以目前環境第一桶金是最難攢的.只要有目標.毅力想信一定可以達到夢想的.努力!加油! |
| 2006 年 10 月 20 日 星期五 |
家家有本難念的經  |
分類: 未分類 |
今日,同劉小姐傾開計,先知佢係加拿大既細佬有癌証,佢呢几日知道后好無助,又唔想佢七老八十既父母知,同佢老公傾又得到冷言冷語相對,傾傾吓仲好傷心哭咗出嚟,搞到我個心好唔舒服.由我93~94年同佢合作開始識佢到而家,佢係一個十分顧家既人,上至父母,下至兄弟姊妹,又出錢又出力.我係旁觀者.覺得做佢家人真係幸福,但有時人就係咁身在褔中不知褔,你付出越多責任越大,搞到自己筋皮力盡,又吃力不討好.希望佢開懷的.為自己身体着想下啦.唉,除咗安慰佢都唔知帮到佢的物嘢.十分無奈.......
中午時個細女打長途番嚟,佢話今日只眼跳得好西利,唔知我有無嘢,打番嚟問下,其實我這兩星期右眼都係跳得好西利喎.可能我哋心靈感應啦,唔知係咪將會有的事發生呢?希望好事啦.
我只股証#1305.終于達標啦$2.25,沽出50K.尚余200K下星期一再等機會.新目標價短期$2.5~$2.8.中期$3.~$3.2.革命尚末成功,然須努力! |
|
|
|
