......

......

......

......

今日朝早冇去打波, 上到課室又係冇咩野做, 應該係話係到做D&T...做到駱駝瑩黎左, 跟住就係到交錢, 原來有張唔知咩咩簡介會回條, 我冇, 搞到今日冇得交, 好彩 唔使比人記名...跟住駱駝瑩走左黎家添就入左黎, 姐係話又係做數學NOTE既時候, 成堂係咁做, 陳鈴就係咁拎我份NOTE黎睇, 前面鄭樂怡果D都有幾次拎左我份野...做下做下, 做到尾二個版, 阿SIR話已經有人做哂, 搞到我要爆速搞掂佢....

之後, 英文LIST...又係郭蘇肥豬, 無聊到嘔, 係到交錢, 期間傾謁, 傾到交哂錢就開始上LIST堂, 果陣其實只係剩返10分鐘左右, 跟住無無聊聊係咁抄黑板D答案, 因為肥豬佢會同我地一齊做, 一路聽一路寫答案係黑板...

第三堂中文, 教平民總統孫中山, 幾好咁, 麥振池竟然識背甲乙丙丁戊己辛壬癸...跟住個陳心怡好似好受何道生歡迎咁, 成日叫佢答問題, 今日就比佢HEA左幾分鐘...

小息食完野去左打波, 打打下BRYAN炸板炸到個波出左街, 跟住同BENNY去G04搵黎家添拎回條, 之後就上番去

第四堂又係英文, GRAMMER, 一黎就比人叫答問題, 答錯左, 不過冇事, 坐低之後又要聽佢發UP風...

第五六堂SCI, 我覺得呢排王太好左...至少已經好過某D人...跟住講左一陣, 林朝典比人罰左出去企, 因為佢係咁重覆老師讀錯既字, 然後就要做實驗, 我果組果個咩咩劉唔知咩, 女仔黎, 係科學怪人, 做實驗好勁, 做實驗果陣有一組爆玻璃, 我地果組冇, 做完係到燒火柴, 成盒火柴廿幾三十支比我地燒哂, 仲拎多左盒黎玩....之後執野果陣我要執番d火柴....

LUNCH冇出去食, 應該係話冇食野, 直接係學校等打鐘打波, 同戴戴打排球打左成個下晝, 後尾梁家煒黃文韜黎一齊打, 之後我小學岩岩升上黎讀中一班FD係後邊睇, 左手邊就有其他人係到打, 有時梁家煒炸埋黎我突登避開等個波炸中後邊班人...之後豬家怡見戴戴手上有兩個波, 一個係執一個係我地借既, 佢就問我地拎一個, 我比, 但條件係我用下手炸走個波之後佢自己去執, 我一炸左個波出去果陣後邊班友仔驚哇一聲...佢地真係見得太少大場面...之後去左打籃球, 打左陣又番番去打排球, 不過今次好迫, 但就好玩好多...打到咁上下上去執書包上D&T

上到去, 執完書包等點名, 又係駱駝瑩黎, 之後佢叫我過去, 話有風紀講我今朝抄功課, 佢屈我, 跟住顧子穎話唔係我, 係我前面果個鵬鵬, 跟住就番埋去個位到...鵬鵬點比人話就未問佢...不過好似冇事...打鐘就落去上D&T, 2B經過唔見黎凱業, 想幫佢睇下隻錶都唔得, 落到去已經敬左禮, 因為要等埋吳德聰佢地所以遲左,  跟住就開始上堂...今堂好自由, 一係就畫設計圖, 一係就傾謁, 一係就出去比幅設計圖韓坤坤睇, 得左就玩得亞加歷硬膠, 唔得就要再畫過...開頭好多人出去, 我就係到傾謁, 等到冇乜人出去我就出去, 一TICK PASS, 寫埋後面D資料就開工, 做左A PART先, 李SIR比左塊300MM既膠板我, 呢塊係A PART, 咁長既原因係因為我A PART 有兩塊, 300MM 剪開一半就係一塊A PART....好耐冇用過D&T室既野, 有D唔慣, 不過用果個野CUT膠板就CUT得好直, 好掂, CUT完就差唔多落堂...

放學之後, 落左去SU室出邊果到, 本來想打康樂棋, 但又冇心情打, 見到陳雄略, 就同佢打左陣波, 開頭唔知點解開唔到齋, 開左好耐先得, 之後 就射KEY, 順好多, 一入就入幾球, 但射射下有人黎踩場, 射多幾球去後邊果個場打, 又有人踩場, 不過因為係跟隊場所以可以繼續打, 打打下施碎林又黎, 打打下糖果亮同林澤又黎, 打打下連林地都黎埋, 打打下佢地又走哂, 得番我同陳雄略加施瑞林同一個高佬, 唔係OVERHAULIN果個高佬....之後2打2, 未試過係一個完全冇線連1分線都冇既場打, 開波位近到係一個正宗半場既1分線位...

成場都係碎林同個高佬屈, 雖佢地唔同組, 高佬拍我, 瑞林拍陳雄略, 但成場都係佢地玩哂, 玩到4點走人

-----------------------------------------------------------------------------------------------------

唔好激興我

今日攰到仆左落條街...

番到去都係冇咩做, 不過而家多左幾個長期免費打籃球既fd, 所以一大朝早同1A班人傾左陣就過去打波....係近副梯果個細場打=口=...之後上到班房, 悶到死死下...坐左兩坐之後老師就入黎...黎家添, 今日著左綠色杉添, 隻色真係好顛, 但都冇佢好大隻咁堅@@""唔記得左做咩LU, 一打鐘佢就180度大轉變...即刻講英文變數學堂...不過算啦, 反正由頭到尾我都 係到狂做NOTES, 佢都冇罵....而家佢講野可以唔聽, 最多係開新一課或者對答案...做呀做, 做到第7頁差唔多到第8頁, 比D數煩死左, 因為全部都係F1 D數...

第二堂, 上電腦室之前見到黎凱業拎住勁大疊野=口=電腦係火腿芝士夾屎忽麵包陳教...好憎佢, 我未見過一個教電腦既老師打字打得咁慢, 全選仲要唔識禁ctrl a, 剪下竟然用right click方法...仲要搵左幾四五秒先搵到剪下兩個字...之後講notes, 又唔識教喎, 對住訓notes自己講, 又唔明佢講咩先至係慘嘛..唔理...半訓左成堂...

第三堂sci, 冇咩, 成堂睇etv, 好好睇, 但睇完好攰=口=小息照舊落去打波, 日日都係咁=       =""

第四堂英文, 係目前為止除左sci/geog之外就唔想上既堂, 成堂GE...係咁講書...郭蘇肥豬做老師...如滄海深處埋藏著肥豬....

第五六堂呃錢, MISS FOK教, 大家都知架啦, 又係畫野...今次係要先拎番上堂揀低既水果番位素描再用顏色筆畫...我素描果到都OOKK, 但畫就畫左成堂都油唔到舊大蕃茄=口=...我對面果個女班長油左三個水果, 佢隔離果個油左兩個半, 我隔離果個就油左一個, 得我油左半個=口=...唉-       -""

LUNCH, 擺低書包之後落去, 本來諗住打波, 但諗到連續幾日冇食早餐+LUNCH, 所以今日諗住出去食, 點知陳煥榮話留校打波=口=...跟住就同戴戴出去, 行呀行, 麥當奴廣發二選一, 猜包剪鎚, 最後係去廣發...由於已經係12:50先出校門, 所以要行快D如果唔係會冇位, 行到入去岩岩好有個位, 點知個戴戴又唔入黎, 拉佢入黎之後個位已經比人霸左, 唯有同人搭枱, 搭枱果個竟然係我以前個PE阿SIR, 之後仲要黎埋以前果個鬼佬老師, 好彩佢地唔應得我=口=食到10分就走人, 番去打排球...又係上下手開波互炸...只不過係多左個麥振池...

第七堂又係英文, 不過係ERS, 本來已經睇哂本書, 諗住做REPORT, 但係見到新既格式真係唔想做...成堂同人傾計, 悶到X咁

第八堂就中文, 牛腩河教, 好玩好多, 對番張成語工作紙, 第一個就叫我答問題,可能我同佢熟得滯掛=口=...當然岩岩上完英文堂要搞下氣氛, 所以我「特登」係解釋個成語果到講左上面果題答案...見到何道生既反應真係笑死...之後講下講下, 無啦啦講左去食物果到, 之後我特登話「我剩係知咩叫牛腩河@@」...好耐未試過上堂咁開心

放學本來去打康, 跟住就去左打籃球, 同陳雄略、麥振池...今日運氣真係好, 課前LUNCH課後企係果個位都成日穿針, 但其他位就嘛嘛地...之後蔡嘉佬黎埋, 2打2, 比麥振池驚人既走籃屈左幾分...不過最後打打下去左休息, 休完息我地幾個冇心情再打=口=....射波射到5點走人

－－－－－－－－－－－－－－－－－－－－－－－

其實今次開ＱＯＯＺＡ最主要既原因係講下尋日師生足球賽．．．

尋日...老師隊比人勁抄1:7.......黎家添做乜讓佢地, 黎家添跑起上黎分分鐘有耶耶托尼咁有力可以撞低人, 當然佢冇耶耶托尼咁大份, 但佢最少都有跆拳黑帶=口=...

發現我唔比人求得, 大雄岩岩「求」我開番qooza, 本來我唔想開, 但又唔知點解我第二個精神幫我開左...今次開qooza冇同任何人講, 睇下邊個好彩咁岩有上黎先有得睇, 哈哈! 同埋今次唔話你地知幾時關...可能你第二朝起身開電腦已經lock左...又或者下個禮拜先lock...哈~

今日...DAY D...傳說中既中英數三科主科第一個小息之前連續上哂...爽>W<...個展鵬兄, 姐係坐我前面果個, 今日又係「人生既路上」迷路了A﹏A ...佢已經第二次遲到啦, 佢上次同我講話佢住屯門, 跟住唔知前日定尋日就話壞車...今日又遲到, 咁岩係第一堂姐係中文堂果陣番, 果陣何道生企左係到, 但佢冇問冇罵, 剩係講左句 :「呀展鵬佢好慘, 佢住好遠架, 住係天水圍(!?)」...聽完呢句, 猶如驚天動地泣鬼神既黃河水災再次係我個腦到爆啦~~~~究竟, 係屯門, 定天水圍呢? 定係阿爾卑斯山呢?

由於之前冇打過QOOZA, 所以就咁講可能大家會唔係幾明...所以我決定先將呢個咁廢物既坐位同大家略略咁講下...我地既坐位, 英文係「坐位」既英文, 日文就係「坐位」既日文...唔知老師係有意定無意定扭爛耳, 我地「1A討伐傳說中超級無敵又老又樣衰又口臭又白痴又低能既郭意粉兵團」分開成兩個小隊進發, 一隊有呢個 梁紹, SHIT PIG WING(佢個名實在太難寫啦, 冇計~)同呢個馮家華(下面簡稱金華火腿)....佢地三個坐哂係最最最左邊果兩行, 姐係門口果兩行...而另一個小隊人比較多, 足足有成五個! 其中女佔4個男佔1個, 女仔分別包括 : 坐係我前面既左面既後面既右面既前面既左面既鄭樂怡、坐係我前面既前面既左面既後面既後面既陳鈴、坐係我右邊既前面既左面既後面既右面既前面既顧子穎、坐係我右邊既右邊既劉浩龍(冇錯, 佢唔屬於男仔)~ 然後我前面就係「展鵬兄」, 後面就係「陳煥榮」...

坐位大概已經講完, 我相信大家都對本2C既坐位分配有一定既認識。而家開始講今日既旅程。第一堂中文, 老師係 何導彈老師, 大家唔知係邊個? 我話你知, 好鬼肥, 肥斯大隻, 肚腩仲大過MS KO而家果個, 放起屁上黎好臭果個...佢上堂最叻就同學生打成一遍, 好似上次佢話冷氣凍咁, 要將個扇葉校番去上面, 跟住以佢咁「高大」既身形跟本係冇可能得...於是佢好順手咁拎左把遮, 踩上老師台搞...FINISHED...太厲害= =...佢今堂都冇咩既, 因為上堂佢叫我地查個 「稗」字, 所以今堂一黎就開始講呢個字啦? 大家知唔知呢個字點解? 冇錯, 就係唔話你知, 你自己去查, 由你去死, 查死唔關我事~ ...講完個解釋之後就開始繼續上堂啦~ 好似講下作者檔案咁 (教左4日4日都係講緊作者檔案, 佩服)...後尾就讀書啦, 讀書係呢個何導彈既唯一好處, 佢今堂係自己一支公食自己咁讀, 讀左兩段...之前叫我地讀都剩係抽左兩個人讀, 我冇份啦當然, 哈哈哈哈哈哈~

第二堂就係英文, 英文呢...郭蘇肥豬...唔錯架, 夠哂老~ GE堂, 佢又係到講HOBBIES啦... 冇咩好講, 成堂都係到讀VOCAB...值得一提既係本來用緊英文書教, 佢叫我講其中一題既答案出黎, 個答案係「MODEL MAKING」...之後講左一輪答案之後就用VOCAB BOOK讀VOCAB, 順住一行打橫過去逐個逐個講, 到我果陣咁岩又係「MODEL MAKING」, 不過佢話我讀過 (到而家先發現佢冇老人痴呆症 ) ...所以唔使讀, 變左我隔離果個陳鈴讀...哈~

第三堂就係我最LIKEY既數學堂, TIM SIR教...佢? 好大隻架, 果次上睇肉堂唔方唔睇肉, 佢做熱身果陣SHOW佢條手臂出黎, 舊野仲大過黎伯果舊@@""不過令仔同大隻唔代表教書得, 佢D英文...讀得幾好, 但教果陣就....唔係幾明囉, 佢講兩三次我先明...佢有時講講下又轉呔...所謂轉呔就係同一條題目突然間個解釋好似唔同左咁...好亂= =...不過咁, 我地上堂都係睇佢D 肌肉姐...今日果堂...佢寫錯左個答案幾次...有一次佢叫我地成班做NOTES, 做緊果陣有個人同佢講話佢黑板寫錯野...肌肉猛男突然「哇!!!!!!!!!!!!!!!」一聲...佢好似比人強姦咁@@""

小息...買燒賣, 落左超多喼汁, 好A @@""

打鐘之後上到去, 見到我地班人咩住書包上緊3樓...我先記得原來今日上EPA要去3樓...我即刻變成喪DO男喪奔向班房同執書包...上到去, 個呂漢奸已經係到等緊我地...過多一陣佢就入黎課室...罵左我地一大輪 (佢講英文真係好正) , 終於敬禮...敬完禮之後佢就話咩啦, 咪咩囉, 姐係咩呀...係咁抄佢果D 幾多%%...悶到腳板底間歇性抽筋....講完之後終於可以講書, 點知佢又係個TITLE到講左一大輪先至開始講1.1第1頁...因為時間緊迫, 佢叫我地間低10個詞語, 下堂默書0口0...知唔知下堂幾時呀令仔? 就係聽日呀 TVT....唉...唔理, 間左先算...間間下, 佢咩左...冇錯就係咩左...佢=鐘聲...鐘聲響起IS的訊號 (COME FROM BEYOND'S 光輝歲月 歌詞第一句) ....點知, 佢明知我地要咩咩架啦, 佢仲要繼續好努力咁間, 間呀間, 終於間完啦~ 佢仲話要讀哂10個...讀完, 執野敬禮...其實地敬禮果陣都已經有人咩好書包走得...但敬完禮之後呂漢奸已經係1秒內消失左...冇錯係1秒...當我敬禮講「GOOD BYE MR 呂」...講到呂字四十五度躹躬...再起番身果陣佢已經唔見左...

唔理咁多, 行上去SCI LAB...因為上次同2B撞時間上SCI搞到我地要去CHEM LAP上, 姐係話我地係未去過SCI LAP既...所以又要再調過位....教我地SCI既...就係傳說中既 「王太」(聽我家姐話學校有個老師姓王就係佢老公, 所以佢先叫王太 ) ...簡稱王老太...佢係咁多個SCI老師之中「最好」既一個...呢點下面會講。調位調完之後我好慶幸成組唔係剩係得我一個男仔...仲有嚴開花坐我隔離...不過, 今次真係四面楚歌, 我後面果組全女班, 我右邊果組全女班, 坐我左面兩個全部女仔, 坐我前面又係兩個女仔...姐係話只有一個嚴開花坐我右邊...(我果組既右邊)....調完位就開始教書啦...一黎就做實驗...佢之前係冇教過任何野GA...值得一提, 佢示範果陣示範得幾好, 但D英文水平連小六都不如, 佢講實驗既英文講左「RES BE LI MEN」...掂呀...跟住遁例講左幾句野, 佢D發音又唔準, 講D字又鬼死咁難, 搞到佢講十句我一句都唔明=口=...做實驗啦...今次第一個實驗係玩廟果D「香」...先先要用火柴人點香, 然後放落一個裝有 有毒氣體OXYGEN 既TUBE入邊, 之後話會發光...我地組冇人得= =...為左懲罰王老太, 我利用我枱上面既三支香, 先先點著佢, 然後雙腳跪地, 誠心向住佢拜 (當然係趁佢見我唔到果陣)....好多人都見到, 唔信可以問佢地...

SCI堂後面果D省略, 因為實在太多= =...之後就小息...落到去都遲哂, 同個FD係學校籃球場打左10分鐘籃球就上番去去MMLC上PTH...我地PTH...陳潔廁...好樣賤..唔理佢...MMLC有電腦, 我上MSN你吹咩= =...佢一開始就叫我地個個都要自我介紹, 當然只係講自己個名同埋一樣鐘意或者唔鐘意既野啦...講到陳心怡果陣, 老師話佢個女又係叫心怡= =...難怪呢個心怡同老師個樣都咁樣衰, 原來係有淵源既...講到我果陣, 我講完坐低, 佢話我個名好「令」...佢掂呀...咁快知我有錢就擦我鞋, 果然識做...之後就開始普通話堂, 開始左冇耐之後坐我隔離果個搞我部電腦, 累到佢自己同我都比人記左個名= =...唉=口=...

算啦, 唔打, 食飯