今日好好彩呀@@""
第一堂EPA....答問題撚左個GD MARK, 之後再拎多個GD MARK, 多謝多謝, 我都知我好掂XDDDDD
第二第三堂中文, 囧的中文, 何道生UP左一輪廢話就講治家格言, 四個令字中竟然有我份, 囧到爆炸, 佢比我呃左啦, 我用黑色墨水筆寫, 再加上1分既心機, 所以睇落去先咁整齊...臭臭子都有話 : 「1分既心機, 再加上99分既令筆, 就可以寫到令字」~~~之後就開始講作文啦...今日我終於見識到何道生既真正實力, 今日係派作文之前佢將所有唔合邏輯或者唔通順既句子寫左出黑板, 由於時間既關係係寫得超快, 亦都係用傳說中既狂草, 開頭都仲睇到, 後尾就越寫越了, 勁....之後就派作文, 順住號數出去拎, 出去同佢傾計, 每人出到去首先就等, 之後就比自學單元佢CHECK (嚴格黎講唔算CHECK), 之後就要聽佢對你篇作文既評語....我出去果陣, 佢話: 「林紫軒呀...都幾好, 事件交代得詳細, 有首尾呼應, 不過後面D字就了左D....」.....我發現佢係咪中文老師黎架, 我篇野比何志明睇肯定僅僅合格都未必, 但佢竟然....比我6字頭...雖然有好多人都係6字頭....
小息落去, 聽鄺肥話原來今日我係2A班到出左名, 話何道生話我個名似女仔.....之後去打左陣波就上番去...
之後就MATHS堂, 冇咩野做, 成堂都聽佢講廢話....至慘係我表面上好專心咁望住佢聽野, 但實際上我發緊白日夢, 腦入邊一片空白, 佢講既野已經唔記得哂...
再之後就傳說中既中史堂....恐佈, 傳說之轉筆傳奇老師馬思敏, 傳說之課堂上串人不留手之馬思敏, 傳說之發起火上來猶如香港象山火山大爆發炸死哂D人般可怕既馬思敏.... 本來都冇事, 對作業, 冇做幾題就冇左個機會....之後後尾答問題想拎嘉許, 答完佢先話唔計嘉許計劃...真係囧呀...之後仲要比佢串話我似芝麻街果邊果隻唔知乜...我好想串番佢, 但我已經金盆洗口....
再再之後就西史堂, MISS LOK咁面色唔好, 印堂發囧, 面囧口唇囧, 睇怕佢比我地嘈到囧左...好好態度咁罵左我地兩句就開始上堂, 不過佢話遲D要調位...大佬, 呢班除左男仔之外個個都來者不善, 真係慘嚕...上堂果陣派WORD SHIT, 好無聊咁做, 做完就終於開始左第一課, 教「便呢臣」, 我好想講, 佢UP緊乜
LUNCH食左個包, 番去打左陣波, 就同戴戴打排球, 好玩...到左差唔多打預備鐘先開始下手炸, 因為個波個皮係膠膠地, 唔係硬膠果隻, 係軟膠果隻, 姐係陳淑儀果隻, 所以炸到好遠...........買完野飲就上番課室.........
上到課室之後後面個BENNY怪怪地, 唔理佢LU, 我有我訓佢有佢怪, 到到点名時間, 黎家添派左幾張呃錢通告, 後面個BENNY竟然叫我幫佢傳, 仲要幫佢放張回條落佢櫃桶, 乜事呀.........
之後上英文作文堂, 我理得郭蘇肥豬UP乜春, 我有我謄文佢有佢講, 後尾老師叫做野果陣行左埋去我後邊個個BENNY, CRAZY姐話佢隻手好痛, 之後BENNY話想早退, 老師就叫我陪佢落去MI RM, 拎左早退紙, 幫佢寫左名果D, 上去幫佢執書包同比張早退紙老師簽, 之後落番去再上番去, 繼續上堂, 要抄番好多野, 唉=V=...
至於BENNY有咩事, 病人係有私囧權, 呢件事係由囧之天使臭臭話你知~
放學用某個藉口留校打波, 開頭四支公打, 得肥倫同我搶到, 其餘羅小傑剩係識企係後面等執雞, 馮浩文瘦猛猛, 又矮過我, 當然唔夠我搶啦, 哈哈~咁樣打爽幾多, 之後黎左蔡嘉, 陳雄略又黎埋, 之後就鬥波, 鬥呀鬥, 完全處於打成平手既局面, 因為對面有個肥倫係到屈機...打下打下, 見到黎凱業阿妹, 係大場打緊, 算唔理繼續打, 又再打下打下, 我地過左去大場踩F1 D女仔場, 比佢地蝦=口=...又過左一陣就番番去細場打, 又打左一陣去左買野飲, 又再過左一陣又番去打, 又再過左一陣就埋齋閃人...
點解今日話我好彩呢...就係, 老豆係放工搭車果陣執到部計數機, 仲要同我家姐個型號一模一樣, 哈哈哈哈
|
