今日benny冇番....囧
而家次次朝早打鐘上課室之後都冇野做.....唉=口=...加上今朝出奇地攰, 出門口之前係梳化訓左三個字姐係十五分鐘, 攰死=口=
今日倪肥肥問左我一個好有意思既問題 : 「你今日d 堂掂唔掂?」 雖然我答左佢, 但我都答番你地, 第一第二堂geog, 夠掂未?余小你足足遲左成個幾兩個字先黎上堂, 佢叫我地做wb ws, 但佢就剩係check wb...好彩我尋日好乖咁做哂, 如果唔係會好似今日冇做上網搵資料果part咁扣機會...之後上堂, 而家d geog好玩左, 至少我已經厭倦左(people's liberation )army姐, 轉左個矮得既老師, 企係佢隔離可以高佢半個頭既老師, 會好好多...跟住, 出去黑板寫野, injury個j竟然寫左g, 糯爆...臨落堂又比左一堆功課...
第三堂就好好多, 中文堂, 何囧生教, 今日要默書, 課外讀默, 成個f.2都要, 我, 有一到, 「鳥不語花不香」果到, 我聾左, 聽到老師話「鳥不悅花不香」, 咁就好唔抵咁錯左一個字, 之後成語冇溫搞到又錯左幾個, 課文錯左兩至三個, 加埋錯左6個82分, 低到x咁, 鄺肥話佢錯4個, 超跩
小息, 冇野做, 今日bryan冇拎粒波落黎冇波打, 所以食左個三文治, 企左一陣就上番去
第四堂, maths, 正, 又有exercise, 不過又要計除數, 計小數點後唔知幾多個位, 真係幾煩下, 不過冇計, 一陣果堂要做個rev. test.....之後阿sir就派左份past test paper, 有因式分解果份...做左d就落堂, 一陣第七堂要quiz....
第五堂, oral, 地獄呀!!!!!!!!!真正既十八層超級折磨地獄呀!!!!!!!!!!從未上過咁無聊既堂, 真係無聊到冇得再無聊, 仲悶過amy姐既geog堂, 點?佢派左一份厚厚地既ws, 之後係到播帶要我地跟佢讀, 讀完第一頁都冇野, 第二頁就發顛, 佢....成頁, 但係咩咩cat, lag, nag , pat , bat果d咁既野, 差唔多個個音都差唔多但串法唔一樣果隻, 成版加埋有成幾十字, 佢仲要咁樣讀「ad, repeat , ad ....ad bad , repeat ad bad 」之後逐個逐個咁讀哂成頁........我終於體驗到真正既死亡
第六堂就係music, 一開始鄧宇軒要出黎獨唱國歌, 完全聽唔到, 之後就到羅小傑+ 唔得聰合唱校歌,如果同羅小傑比既話, 唔得聰唱得幾好, 之後唔德聰可以番埋位, 變羅小傑獨唱, 但就變左聽純音樂, 因為羅小傑成首歌剩係長短腳企, 側住個頭, 笑笑口, 一粒聲都冇出過, 之後老師叫佢下堂再唱過......之後就開始上堂, 又係到講果d樂器, 好無聊呀大佬, 快d開始唱歌
lunch又再次唔食野, 入左SU室玩, 幫COLIN佢地做野, 好耐冇幫過SU做野, 好玩...打鐘之後去寫左半球籃球, 之後行去康樂棋到睇一陣, 之後去左同戴戴梁蝦打排球, 冇咩既, 咪上手炸爆左幾個人既頭咁囉, 唔好意思呀, 特登既=]...之後隔離班既孖女過離話我地, 話做咩搵人命黎搞, 超超超, 陳雄略頭先大大力打過黎我個頭到我都冇野, 打到你地驚爆鼻血咩=口=反正我既目標又唔係隔離打緊排球既人, 我既目標係戴戴, 麥振池同陳雄略, 我同梁蝦狂殺波你都吹我唔漲....
第七堂MATHS QUIZ, 做左成堂, 好麻煩, 要寫好多野, 後黎收卷先知好多大意左, 唉.......
第八堂FA, 要睇片, 無聊, 無聊, 無聊聊
放學又諗左個藉口去打波, SU四點先開, 借左個籃球又比林天地佢地搶左, 算, 唔想同佢地打, 佢地屈機, 我咁矮搶唔到, 之後同肥倫踩F1場, 踩下踩下蔡嘉就借左個膠波黎玩, 好無聊, 好無MOOD, 求其玩下就算....
5:00之後去買野飲, 買完就番屋企.......... |
