(假期後)
          咪散左囉 , 尋日返左大陸呀 , 真係一個奇蹟 , 千萬年都未返過 , 朝早食左飯就等家姐黎 , 之後就睇左陣電腦 , 原本係扑鎚gala , 不過點知又冇得擦咭 , 我呀爸係度儲存積分 , 好似簽左就有得有一部電話~~ .

          之後就行喇 , 去左換人仔 , 點解呢 ? 都話左返大陸囉 . 開頭都記得ga , 但係之後又唔記得左wor ! 我自己都唔記得左 , 痴左線 . 家姐又係例牌發嬲 , terrible . 

           換左之後 , 去過關 , 超恐怖 , 都唔知點解個d人係要係個口岸個忽行得咁鬼快 , 係唔係有d咩引力吸左佢地過去 ? 之後我呀媽話趕火車 .... ? 不過之後又好好笑wor . 我同個個通關人員對望 ! 唔知點解我同左呀呀媽話我同佢對望呀 ! 我心諗 , 咁你要睇左個樣之後先可以走人ga ? 

          到左深圳 , 又有得去邊呀 , 去左羅湖商業城 , 個名就好聽呀 , 不過裡面好怪異 .

         一去到個度真係間間野都係有個人係度企左係度 ! 係唔係都係問你要唔要dvd , 要唔要修甲 ! 痴ga咩 , 特登上黎之後特登整掂自己 ? 真的搞gag . 不過又有好多人係度修wor , 可能平 , 又可能係貪過癮 . 我真係唔中意 . 係頂樓個度 (我地搭左lift上去頂頂先) 見到個人拎住左個黑色膠袋 , 神情慌張咁跑去搭lift ! 我好鬼驚呀 , 痴ga.....成支箭咁 , d效率一定快過香港 , 都唔知點解要跑到咁快 , 好似搶左人地野咁wor~ 點解呢真係 . 又好得意ge係 , 我之後睇個d人個個都拎住個黑色袋 , 真係唔知裡面係咩wor~ 我覺得係dvd . cd 咁 @@ 唔通圓圓就係咁個個假期都係咁樣搬幾十隻碟返黎香港 ? 不過可惜呀 , 圓圓走左 (有冇人有返圓圓個信箱呀) . 真係好想知裡面咩 @@ 劇集 ? 戲 ? 34級碟碟 @@ 得登上黎搬幾十隻返黎香港 @@ 真係傷囉 ! 

          之後個兩三層都係咁樣 , 間間野都係咁 , 都唔知點解間間都要有人係度企門 . 之後仲要少少好暴露(都算喇)ge女人同...男人 @@ , 醜化~~

          係度一兩個中鐘之後就走左喇 ~ /\/\

          搭左第一程的深圳地鐵 , 開左兩年喇 , 第一次 , 哈 ! 搭左一個站就走左喇 , 國貿站 . 行下行下 , 去左個唔知係唔係叫金太華商場ge地方 , 好豪 , 好似朗豪坊 , 不過人少好多 , 扮野好多 . 騰左唔知幾耐就去左對面 , 唔知吠咩ge地方 , 咁就去左一間叫東北人ge地方 , 全部都係講普通話ge人 , @@ 0左嘴 . 唔知點講 , 總之就係好團結 ! 家姐話佢地唔知有人叫左一樣餸就會大叫唔知咩''xxxxxx ! '' 好似得六個字姐 . 唔知係咩wor~ . 家姐好勁咁叫左餸 , 爸爸都講左一兩句 . 我又唔想講wor ! 太怪 .

         食左d唔知咩野 , 其實唔想打 ! 就走左 , 好似係百多元 . 比預期中好 , 因為我冇唔舒服 . 咁就走左喇 .

         呀 , 醒起 , 有個人係我地去個間東北人個陣 , 當住佢個女朋友個時吐痰 ! 想死 . 真係值得反思下 .

         介紹下東北人 , 兩層 , 有就咁坐如或者好似東北人咁坐係個爐上面 . 不過又係度嘆冷氣 , 下面又好熱 . 哂野 . 不過我地冇試呀 , 所以都唔知個個想像中ge爐有冇開 . d茶有煎ga ! 有d怪的loon .

         走左之後就返香港喇 , 開始個陣又搭返個個地鐵 , 個隻票同電梯好可愛 -0- . 自己去試下喇 .

         又過關 , 之前個陣去左買野 , 不過之後係冇買的 , 原本想買個本禮物 , 18蚊炸 ! 不過之後因為呀ma呀ba同家姐話買架好得意ge單車 , 所以冇 . 唔想再買 . 點知之後呀ba話唔買wor ! 因為up下姐 , 頂 , 唔買就唔買喇 , 唔好玩野 . 不過媽媽都想買 , 之後家姐話可能可以係鴨記買 , 等待 !

         之後去左廁所 , 又對望個人員 , 仲有用返個個e道 @@ 好正 . 咁就上左火車 !

        見到個d香港廣告 , 李國英 , 劉江華 . 往尖東 , 見到熟悉ge273a , 276p . 我終於可以唔駛再見到個d吐痰ge人 , 企係門口 , 目無表情ge人 , 著得恐怖ge人 , 拎住個黑色袋 , 跑得超快ge人 ! 我想大聲咁叫 ! 香港 , 我返黎喇 @@ i love hk @@ @@ @@ @@ @@ . 

        點知返到屋企先岩岩好八點半 . 睇埋千金同蜘蛛''合'' , 真係好好睇 !