潛左水咁耐,我諗係時候要打番blog啦,好多謝一直以黎咁多fans支持我(含淚)

今日黎唔到幫呀杰打氣,sorry呀-.-!!!不過我會精神上支持你,你一定可以入到圍既!

最近發生左太多事啦,不過好彩我都仲接受到..如果再係咁落去,我癲都似-.-",好彩我仲有一班好兄弟,支持我,多謝你地^__^

口罩...一向都係我最憎既物品黎

但係..我竟然要帶住佢兩日..

可恨!!!

琴日開始傷風,跟住就落左去大窩口果間「吳耀明」(唔要命)度睇醫生

醫生就話我係傷風,食番啲藥就無野架啦

攞藥果陣,個護士勁串咀,又整頭髮,又整指甲,等哂5分鐘先攞到啲藥

諗住食左啲藥之後就會好啲啦

點知,今日,再探熱果陣,燒哂40度-__-

正垃圾私家醫生,仲要收成170蚊

因為太辛苦,逼於無奈,要落仁濟睇醫生

大約等左1個鐘到,終於睇我啦

個醫生話,發燒係一件好事,會加強抵抗力喎

聽到,真係笑左出黎

琴日就係我地bbq既日子

我大約10點鐘就醒左(因為驚遲到,廢事要人等-__-")

跟住刷牙,洗臉各樣野就出去啦

11點,就到去大窩口地鐵站,就等昇佢地

等左半個鐘(熱死我-.-")昇+全+咬汝,終於就出現係我面前

但係佢地,見我唔到(直行直過,傷心)係都要我叫佢地,先見到我,囧"

免得發生,中暑事件發生,所以我地就落去地鐵站度,休息一下(呼,爽哂)

等到唔知幾多點,老梁終於打黎,叫我地去啦

點知仲未齊人,差杰+雞澤+光,

原來雞澤同光係體育館入面涼緊冷氣(2條屎忽鬼=.=")

咁我地就去體育館搵佢地,就順便涼下冷氣

行到一半,撞到佢2個-__-",唔理,照去涼冷氣

涼左陣,人到哂啦,就gogogo

終於都去到啦,曬到呀媽都唔認得~_~"(汗)

我地就分左一班人去霸爐,咁一班人就去買野

咁我緊係買野班人其中之一個啦^__^

我地係咁掃,係咁掃,掃左58x蚊,好彩都夠錢-.-"

原來加埋送貨添,我地一身鬆哂,如果要我地拎,可能全部訓哂係度都似

等左20分鐘到,D野終於都送到啦(難為送貨黎果位大隻佬-.-")

攞哂所有野出黎,點知,食既野仲少過飲既野,唔夠=.="

每人就攞多小小錢出黎夾,再買過,...

我地一路等呀等,小隊,終於黎到,帶頭果個,好有氣勢,嚇親我地[SeVen]

經過唔知幾耐,終於都透好個爐啦(辛苦哂,透爐果幾位好兄弟),仲有再買過野既兄弟

我地就開始燒,係咁燒,喪燒

食到飽飽地,就出去沙灘行下,吹下風(幾咁寫意)

坐左陣,吹左陣,就見到老梁佢地,開始出去游水啦(真係開心)

再坐左陣,諗住番去再燒野食,我就發覺,好似少左班人咁-____-"

原來小隊佢地走哂

時間慢慢咁樣過,行下,坐下,傾下計,咁就過左成個下午

佢地游完水番黎,個個好似打完仗咁,累到呀媽都唔認得喎-,-"

就係咁,我地再燒多陣,就搭車番屋企啦

係坐車途中,忽然間諗起好多野-______-

終於都考完TSA啦........

真係麻鬼煩,坐係禮堂度,又凍,又唔舒服,好辛苦-___________-"

放學,又要陪昇去買psp,足之搞到成4點半先番到屋企,煩

算數,唔想講呢啲,近排聽到個故事,不如同大家分享下(無聊-_____-)

係兩年前,有個男仔終於都攞勇氣去同個女仔表白,好可惜,係陰差陽錯既情況下,佢第1次衰左,因為..個女仔訓左-________-

到左第2次,個男仔,同佢朋友一齊打過去搵個女仔,諗住同佢再表白多一次,原來個女仔都鍾意個男仔,跟住佢地就一齊左啦(係咪好易呢-____-"?)

佢地一齊左唔夠一個星期就分左手加上個男仔已經識左第2個女仔,因為個男仔對佢女朋友好冷淡,佢女朋友終於都問個男仔啦

問:我地係咪要分手?

個男仔答:係掛,,,,

答左之後,個女仔就再無搵過個男仔

兩年之後,時間已經沖淡左呢一件事,而佢地,再係一個機緣巧合之下,再次一齊

岩岩開始果陣,2個都好甜蜜咁樣拍拖..好開心好開心,無論個男仔,發生乜事,個女仔就一定會好關心佢,直至到假期過後,大家都要番學

而個女仔就唔想公開呢一段戀情,所以就叫個男仔唔好講出去比人知,就係地下情啦

時間一日一日咁樣過,佢地一直發展落去,由於個男仔既朋友一直咁樣講,"乜你女朋友管得你咁嚴架","乜都唔比你做"

個女仔就打左比佢男朋友其中之一個好朋友,佢就去問啦:"我真係管得佢好嚴咩."?

而個男仔個朋友就真係好直接咁講:"係呀,你真係管得佢好嚴呀"

自始之後,個女仔就開始,唔多點理佢,好似,事不關己咁..

而個男仔就開始察覺到個女仔對佢愈黎愈冷淡,佢就一直諗辦法點會先可以引佢女朋友注意啦....

好可惜,無論個男仔做乜,講乜,個女仔都好似無動於衷咁...

而個女仔就情人節,生日,差唔多所有節日,都無同個男仔一齊過...

而個男仔就開始習慣左呢一種態度..大家一直令呢種關係膠著....直至...........

個故仔講完啦-_________-係咪好無聊呢,我都係近排聽番黎...所以..記得既就係咁多,希望大家有耐性睇落去啦-______________-"

ps:(咳到甩肺,無眼睇)

今日好鬼黑仔-_____________-"

話說,放左學之後就落雨......

又無帶傘,搞到成身濕哂

又肚餓喎....跟住就去左大快活度食野啦

我就叫左個焗豬排飯食啦..點知,個收銀問我,你想要咩汁

我就諗,乜焗豬排飯都有得想要咩汁既咩-___-"

咁食焗豬排飯就更係要番茄汁,咁我就叫左番茄汁啦

跟住就發現有d唔妥啦

明明全哥,都係叫焗豬排飯食

但係佢仲快過我有得食,|lorz

昇同埋全就講啦,會唔會佢聽錯左你叫豬排飯食呀-____-

我諗就唔會啦,跟住就等啦...

終於等到有得食啦,點知!!真係豬排飯-_________-

0h shit !!!!!

唉,算數,咁照食啦....

點知,差唔多食完果陣..d汁竟然飛左上件校服度

真係黑到呀媽都唔認得....

食完啦,諗住番屋企,去到地鐵站,比全哥拉左去昇屋企

一路淋雨,一路行,都無乜野...

行行下,無啦啦有架車經過,我地成身就濕哂

真係黑到落腳趾尾-____________-"

隻"物"又濕哂,差唔多成身都濕,真係好鬼火-____-

ps:(有好多想同你講...但好可惜..無一次係有機會)