前幾日約好的游水日今日終於到了

今早我好怕會凍..早上真係涼涼地

下晝就已經變晒..之後到游o既時候又變晒...

凍到唔想落水..上水做一陣熱身就游到了..

游左陣就唔知點同哨牙追起上黎..冇啦啦我抽筋

個哨牙以為我扮野呃佢過黎唔理我-.-

好彩係米3池姐...

之後落左BB池玩...7個中4學生落BB池玩..

落到去因為冇帶眼鏡所以認左人撥錯左陌生人.哈..死...

冇啦啦唔知邊個提出猜情尋淋水ge玩法..

唔講得笑..好鬼好玩..因為果時超級凍

7個中4學生o係BB池玩到瘋狂大笑..場面之震撼前所未有

游完水去左食松記..食糖水食到飽死.

返到熙企打住blog咁釣魚...累.

星期六.11點唱k唱完好急咁去補習

補完好急咁去買帽.買完又趕去搭車返大陸

真係超級累..

所以今日.打到呢度算啦.

AC米蘭贏2:0出線..興奮!!

琴晚校好個PPS黎睇波..可能太多人lag死人

所以睇左10幾分鐘就冇睇

夜晚因家姐溫習所以冇電視睇

我就用電腦睇多啦A夢國語配音聽唔慣

仲有奧斯卡得獎卡通貓和老鼠

得獎原因好似係冇乜對白但又可能睇到人笑啵..

隔左好多日冇打blog..正宗懶鬼.成日咁得閒都唔打

其實我覺得打blog有時都幾攰

今日同一個自稱世界上最有把握力前鋒(化名:哨牙)去石公踢波

唔講少..原來佢可能左右問弓..左腳分分鍾仲勁過右腳

守佢d波唔係左就一定係右咖啦..永遠唔射中間..撲死我

射一陣波班叔伯級年紀o既波友叫我地鬥波..我地就入左隔離team

開波冇耐比佢人o趙左粒.嚇死我..不過我地一開波又話咁快追平

有位6字頭o既波友不斷爆粗話人唔識踢波..不過我o係自己後場咁耐都未見過佢掂波..

真是的...鬥到最後3:2我地贏..之後又同自稱世界最有把握力前鋒射番波

咁就同佢玩下射9碼啦..一人5球.2:2都話左9碼難射咖啦

有位叔叔見我地玩得咁開心又玩埋一份..不過佢話要守龍

我又唔敢o係9碼咁近射..又出番禁區

我諗佢少年時一定係打龍..痴線我一球都入唔到佢

我諗住射上角易入..但佢真係..痴線..飛撲雙搥打出...

個哨牙.擺明撻Q都俾佢入到...

睇黎我射術要改進

我用左5分鐘先上到黎..可能係我網路有問題

上次地震之後我上網成日都上上下就開唔到網頁

煩死人....

今日機隱大發打左成日fifa..

晏晝睇左張藝謀o既英雄...記得第一次睇係睇國語冇字幕

所以睇唔明..第二次有字幕都唔係好明

依家大個左就睇得明啦...原來係無名作一個故事

秦王估一個故事...最後無名講真正o既故事

好似好亂咁..但係拍攝o既方法令故事鮮明好多

因為三個故事都用左唔同o既主題色

第一次感受到導演o既功力