首先,,我好想總結下呢幾日既情感，

真係可算係百感交集，

因為呢幾日我嘗過負面的辛苦、谷爆、氣炸、驚慌、無奈、唔開心，

但係亦都有正面既情感好似開心同輕鬆，

嘩-0-而家睇番先知原來我呢幾日好似患左精神分裂。

唔知點解短短既幾日...現在好似過左好耐咁，

事關呢幾日好似發生左幾多野咁!

但大家要原諒我有"少年痴呆症"，

有時候好多野都會唔記得左...好慘T^T

首先俾我訴下苦先啦...SO講辛苦先耶><

辛苦係呢幾日都唔多訓得好，

日日都有好鬼多野要做...美術、宗教、數學，

總之就係包羅萬有、數之不盡咁啦!!!

搞到成日都起唔到身...要勁趕咁仆番學校。

接著就要講下果D令我既谷爆、又氣炸既事情喇!

第一要講既就梗係果日練歌，

我真係好憎果D成日以為自己係話事人既死擦鞋仔!!!

果日當小白一出課室...佢就扮哂話事人咁行出黎，

一陣又叫人CLOSE D、一陣就叫人企開D，

係咁係度推人行過D囉!

至憎D人係咁無禮貌...連小學都不如。

之後我咪問佢點囉...一時就叫人企埋D、一時就企開D，

有病就好去睇醫生啦!!!

跟住又有條友係度鬧，

唔關佢事又係度嘈...彈好佢既野把啦，

我真係好想講你彈得真係好難聽囉。

講完練歌就講下今日發生既,,

我真係好唔明!!!

今年某些紅社啦啦隊既人真係完全唔聽人講野，

講都係為你地好姐!

你地聽都未聽完就話唔好、唔得，

曾幾何時聽過唔聽人講野既人會成奶X?!

唉...唔聽就算!

仲有今日放左學之後，

睇下佢地練成點...跟住鍾鍾想寫D唔知咩出黎，

"有個人"就無啦啦彈過黎...好驚慌咁擦哂吽A

仲好大聲講話紅社機密黎。

慌死我地會爆出去俾人聽咁，

唔明點解呇a情願信第二個社既人都唔信番自己紅社既人，

我地當堂興爆兼走人。

到左驚慌既事情LU,,

其實呢幾日都有TEST，

人都嚇到精神緊張呀!!!

仲日前幾日ORAL堂...MS LIARY又話講唔哂果D要上堂講番，

但點知=-=佢好似唔記得左呢件事咁。

令我無奈的事情實在太多喇!

所以不能盡錄...敬請原諒、多謝合作(千祈唔好扔東西呀!)。

唔開心就可能又係因為果個老原因啦，

太多野堆埋一次過做哂佢..好辛苦，

令到成個人都好似好唔開心咁、鬱鬱寡歡><

但其實日日都有D開心野發生既，

總之每日起碼都有開心咁笑過既＾＾

至於輕鬆...明天就係呂中音樂節喇!

兩日都唔洗上堂...簡直成個人都輕鬆哂，

好似放下左千百斤重既石頭咁呀!

講開又講,,

明天就係一年一度既呂中音樂節...唔知會點呢?!

明天會唔會瘀到爆呢?!

不過算啦...瘀就一定架喇!

但差左係點瘀法既姐＾＾

發覺今年都有D我識既人參加比賽，

好似思靈同阿嬋就一齊參加小組合唱、綠戰龜先生好似都係、

劉映就好勁咁參加獨唱、王錦龍佢地就夾BAND，

唔知係咪驚下年冇得參加呢?!