又是差唔多半個月冇打日記喇!

其實唔係我唔想打，

只係當我次次想打既時候都會有阻滯。

有兩次就係佢要升級伺服器、

有幾次都係LOAD得勁慢、LOAD到找不到伺服器=-=

好難得今次係順順利利的，

所以要一口氣打兩篇!

今日早上九點就被手機繞樑三日既悅耳鈴聲整醒，

因為約左KIKI睇佢渴望已久既電影，

所以唯有無奈咁起身=-=

點知到我差唔多出門口既時候，

打俾KIKI發現佢遲左起身，

後來等埋佢先一齊去。

冇見佢都有一段時候，

但估唔到佢個頭仍然咁令人嘆為觀止＾＾

去到都已經九點九，

即刻BUY戲飛入去睇，

好在入到去都係剛剛開始，

當時幾驚會錯過左好多!

睇戲過程中，

手機響左兩次咁多，

而家先發覺原來個手機係咁大聲=.=

睇到差唔多十一點七，

套戲比我想像中好睇、好笑，

而且個女主角真係幾令女耶!

講左咁耐,,究竟大家知唔知我睇既係咩戲呢?!

套戲既女主角就係韓國女星孫藝珍。

講左咁大既提示，

唔知大家仲估唔估到呢?!

咁淺易既答案...我都係冇謂講出黎侮辱大家既智慧。

之後我地就去左吉野家，

用左我地成二十五大元正，

估唔到咁貴><

但一個月一次就無所謂啦!

睇黎今個月都係唔再出街喇我，

事關我要努力貯錢，

我一定要睇到LEEHOM，

睇唔到佢我一定會喊架!

之後我地就四周圍行，

然後就去書局睇書，

順便睇下鄭梓靈既新書"無名字的你"出左未。

點知冇幾耐KIKI就要走，

但因佢番舊屋果邊，

所以可以同我一齊行番去。

番到屋企就梗係第一時間開電腦，

又是睇LEEHOM的呢＾＾

之後阿媽番黎，

就一齊睇情義我心知，

估唔到呢套野都幾好睇喎!

初初係幾輕鬆、幾好笑的，

但最後黎明死果度都幾慘T^T

睇到我有D想喊既FEEL!

我發覺自己愈來愈易喊，

當遇到D感動、慘既野就會想喊。

尤其睇書果陣，

睇"紅郵箱與沉默的街"同"一毫米的悸動"都喊左出黎，

果次聽聽下LEEHOM既歌、睇睇下佢既野都喊=0=

究竟點解會咁架?!

但我喊唔代表我軟弱，

更唔代表我好欺負，

我巴喳潑辣既性格仍然係冇改!

打左咁多野應該停了!

PS：上一頁的都日記都是新的，但果篇係講我去靈堂果兩日的，不喜勿看!