今日九點就起左身喇!
但唔知點解又唔算係好眼訓，
事關我平日放假唔訓到十一點都唔起身。
跟住無聊冇野做就係開電腦既時候，
點知除左KIKI之外就冇人ON=-=
估唔到個個都好似我咁遲先起身!
之後十點九就換衫出門口，
我去到鑽石山果陣,,佢地兩個都已經黎左，
點知原來林紫都係剛剛搭我果班車。
去到油麻地MTR,,
行行下見到李耀昌，
果個場面好咩...唔知點講=-=
後來人陸陸續續咁黎到，
等齊人就去果間野喇!
本來只係七個人，
林先生就遲大到=0=
唔知點解後來東瓜盅都黎埋...九個人。
本來大家都有D生保，
但後來玩玩下就CLOSE番。
男仔愈玩愈HIGH...練生仲要無聊到落埋台底=.=
食完就行去MK果邊，
真係頂佢順...成日咬住條腸行黎行去，
大家討論行去邊果陣，
佢又蹲係條後巷度@0@
都唔知佢想點囉!
個個都覺得佢今日未食藥，
真係唔好話我地識佢=-=
之後想搵一個靜D既地方，
可以俾我地大家坐低吹下水，
所以就去左一個公園度。
點知...去到公園，
佢好似大解放咁同D小朋友爭野玩。
之後覺得呢度唔多好，
唯有走番去地鐵站裡面傾下次D野，
唱K、踩單車、BBQ、飲茶...始終達唔到共識，
跟住就搭MTR走去樂富喇我!
去探公公...佢今日精神唔錯，
希望佢可以好落去!
六點就搭MTR去深水埗食團年飯!
但得四個人食團年飯，
這算是團年飯嗎?!
團年飯唔係一家人齊齊整整聚埋一齊食架咩?!
點解會落得如此既冷清?!
其實由我出生到而家，
我係爺爺、嫲嫲果邊都未試過食過一餐真正既團年飯，
因為爺爺係我未出生就已經過左身。
有時候我都會諗，
如果爺爺仲健在既話，
家庭會落得如今既四分五裂嗎?!
團年飯會如此冷清嗎?!
人生就是這樣的，不許有如果的出現!
|
