今日其實早就已經醒了!

但真係唔係好想起身，

仲有勁唔想番學呀我。

愈來愈覺得生活節奏實在太快，

對於我呢D成日愛什麼都慢慢來既人，

真係辛苦到苦不堪言。

而家日日番到學校好似魂遊太虛咁，

根本我只有個身軀係度，

心、靈魂老早就飛到九霄雲外。

而且成日都訓唔夠咁，

係塊鏡望到自己仲以為係喪屍添呀!

假期呀假期...你快D番黎啦!

我真係等得你好辛苦，

我唔想再過D咁既生活喇!

其實點解人要搞到自己咁辛苦?!

點解唔可以逍遙自在咁過活?!

我都幾羨慕古代既隱士，

至少每日都唔咁辛苦、受盡壓力，

我諗佢地實長命過現化人。

七點終於都無奈咁起身，

趕趕趕番學校。

化學、經濟、英文堂都冇咩點聽佢地講野，

因為真係勁眼訓=-=

數學堂,,

聽完數學咩都轉哂英文之後，

簡直係精神百倍!

點算...揀文科定理科好呀?!

兩科數學都係要用英文教，

真係仲慘過拎刀斬我!

物理堂,,

究竟我做過D咩呢?!

我真係魂遊到連我自己都唔知做過D咩=.=

放左學卻冇同程程佢地買芝士，

事關要去公共圖書館做埋個家政。

搵完家政個食譜就走左去"尋寶"，

尋到幾本好書耶!

但奈何借書証只有五個位，

又驚自己會睇唔哂D書!

所以只係借左三本，

思靈同AUNTIE每人用我一個位借左一本，

估唔到佢地鍾意睇埋D咁既野=.=

好彩今日功課唔多，

而家先有時間玩下電腦。

又睇"閉上眼 默唸三遍"同"好愛她 好想他"MV，

愈來愈鍾意呢兩首歌>v<

跟住又係上力凱個網站，

距離LEEHOM個演唱會仲有五日咋!

好認真咁為演唱會而努力呢!

但佢好似又瘦左少少，

希望佢好D忙完手上既工作好好休息下!

如果佢真係要休息而不能黎HK開演唱會，

我都唔會唔開心的＾＾

之後又上左OUR HOME個網站，

發現"蓋世英雄"終於改版，

一定要買、一定要買!

但我都唔係好知HK有冇得買的，

不過唔緊要啦!

就算普通唱片鋪冇得買，

我諗信和都應該會有既...希望吧!