雖然一月二號先黎作一個全年大總結係有少許奇奇怪怪，

但無所謂啦……反正有總結比冇總結好呀！對不對？！

二零零八年，想唔到咁快就過去左，

不過都算係一件好事黎既……因為零八年真係由年頭衰到年尾，

年頭開始變得愈來愈情緒化導致心情不斷大起大落。

而且家庭、學業、健康、人際關係各方面都先後出現左問題，

雖然每方面出現既問題唔算好大，

但都足以影響住我既情緒，

所以可以零八年可以講係「多變、常變」既一年，

人在變、事情在變、環境在變、朋友在變、家人在變，

以往鍾意穩定過生活既我面對咁多改變實在有些微接受不了！

雖然是很衰的一年，

但經歷過咁多大大小小唔同既改變之後都有所得著。

由一開始既束手無策…唔知道自己可以點做而發脾氣、情緒低落，

慢慢學到點樣去調節自己既心情、情緒，

或者呢樣都算係一種改變？呃……係想法上有左改變！

不過點都好啦…二零零八年過去左，

我希望新一年可以甩開霉運！！！

睇左好多星座運程既預測、有好有壞，

唉……雙子座今年又係「多變」既一年！

但始終星座、生肖既野唔可以盡信既，

世界上咁多人都係雙子、屬羊咁，唔通個個既運都係咁咩？

所以係新既一年，

我既展望係可以無論點變都好都能夠應付自如，

情緒唔會因改變而起伏不定…總之對所有事可以處之泰然，

呢個亦算係我既目標喇！！！！

以前新一年既希望可能會係順順利利呀、開開心心咁，

但而家明白每個人唔可能成世都咁順利既，

每日都會有難題等緊我地去面對，

唔求順利、開心，但求可以適應到呢D事情就好！