假期真係過得快，話咁快我地已放左9日假喇，仲有兩日就要重回校園喇。今日先發力做功課，做左econ同maths，英文果d諗住聽日先算。算好架喇，以前好多時唔到最尾果日都唔做，冇計啦，今次好多功課，又要寫好多字，唔早d做都唔得。唔知點解，放假永遠都係過得好快既，一返學既時間就好似停留左咁，好耐都未到落堂時間。依家上左中學叫做好好多架喇，曾幾何時係小學果時真係好辛苦，老師講書又悶喎，最抵死就係你郁一郁個身都會比人鬧，要你成碌木咁坐足半日，真係好難頂。依家起碼可以同隔離既同學傾下計，郁下個身做下伸展運動都得，總之唔太過份既，d老師都唔會點理你。
| 
