今日係一年一度學校旅行既日子，我地去石澳。朝早9點先上到車，架車走去行獅隧+紅隧。係紅隧到塞車塞到飛起，架車又勁拋。出到港島又行錯路，去左小西灣果邊先兜返上石澳，最後用左1個半鐘先到石澳。呢一程車搞到勁多人暈車浪，班老師都好多不滿，之後好似打左去旅遊車公司port佢。之後知道有班最遲出發既，但跟車阿sir比左$20個司機，即卡走去行大老山隧道+東隧，結果早我地15分鐘到！