今日去完油麻地果頭就係青年會坐271返屋企，咁下晝6點鐘就梗係好多人坐啦。上左車，架車85%滿，基本上所有人已經企左係度，好難得先比我係樓下車尾搵到一千零一個既座位，咁好開心咁坐落去，點知...

當我安坐啱啱五分鐘，

五分鐘後架車停係度，

停係度師傅話壞左車，

壞左車既話就落左車，

落左車就等左兩班車，

兩班車都一樣好多人，

好多人就當然冇位坐，

冇位坐就企到返大埔。

無啦啦作左首咁既「九言詩」，為一件小事作左首詩，真吹漲 ！係咪想知架車乜事呢？話說去到京華國際酒店時，架車停左係度，原來係樓上玻璃窗既膠邊甩左，咁成車人都落左車，分別乘另外兩班271繼續旅程，我就由京華企到廣福道先搵到位坐。-.-

之前試過一次，去完迪欣湖後坐E41返去，係青馬收費廣場企到返廣福。

以前都無試過壞車，就係舊年6月第一次遇上壞車後，呢排就好多時都遇上壞車，有兩次直情要係吐露港公路落車添。^v^