今日0時26分，我望到窗外有d閃光，閃左兩次，以為自已眼花睇錯野，後來先get到係閃電。咁即卡開收音機聽，原來真係出左雷暴警告，有效時間至2時15分。如無記錯，呢個好似係今年第一個雷暴警告，係0時58分，我聽到今年既第一個雷聲。7點鐘起身睇新聞，原來出左黃色暴雨警告，不過都係要返學。點知新聞話天文台係凌晨掛過晒黃雨，紅雨同黑雨，黑雨仲要係4時30分先落，我一睇到即卡話：「有冇搞錯呀，掛黑雨又唔掛耐d，掛耐一粒鐘都唔洗返學啦！」返到學校，個個都講呢件事，有人仲爆晒粗添。之前好似未試過第一次掛暴雨警告就乜都出齊晒...