今日五一勞動節，我地學生哥當然有假放啦！-.-"咁今朝就去左寶湖飲茶喎，飲到11：15就返屋企喇。11：45就做左中文WS，果四張紙做左我粒幾鐘，打鑊佢！1點鐘果時就出去鴨寮街喇，好鬼熱呀！-.-行完鴨記就去左高登，好少去果度，因為對電腦呢家野唔係好熟。最後就係果頭食左個酸辣米線，好大碗，都只係$19，又幾好食，正！有幾大碗？話你知丫，大到連三份二都食唔到呀。結果4點幾先捨得返大埔，原本諗住坐紅van架，不過成12蚊，唔係，係13蚊先啱，咁Q貴梗係唔坐啦，又唔係冇佢就返唔到大埔喎，所以坐左72返黎，雖然係慢d，但都係8蚊雞之嘛。返到屋企成5點半，睇唔到多啦A夢既第一節...黎梗呢個禮拜，返學返三日，放假放三日，正呀！>v<