今日10點鐘就坐車去黃埔喇，去博藝會飲茶，d野都幾好食，尤其是係果個海蜇拍青瓜，正到痺！好彩尋日冇去飲茶，如果唔係連續三日都要飲茶，悶都悶死！飲完茶就去左灣仔，船費要$5.3，呃錢架？！跟住就係灣仔坐叮叮去左堅尼地城咁啦，係果度行左一陣，因為熱得滯就坐左101去觀塘。點知係軒尼詩道遇上大塞車喎，由堅尼地城去觀塘都坐左90分鐘以上，坐到屎忽都痛！然後係裕民坊食左個魚蛋河咁啦，$17一碗，又唔係話好大碗喎；汽水$7一支(192ml果隻)，我同我老豆一共食左$48。