話說今日要返團契喇，咁我同金仔都剩下想返神經喎，唔想唱歌，於是去左Tuck Shop食野飲野喇。平時都係咁去啦，今日有乜咁特別要打上黎呢？留心聽故仔喇，當我地飲飲下野果時，有班中三既人係果度踢波喎，踢到砰砰聲，差d踢爛d風扇喎，咁金仔就以領袖生既身份去勸佢地啦，佢地就當耳邊風，一於照踢唔理。於是金仔忍無可忍喇，就叫我上去搵訓導，咪上囉。阿sir一出黎果時搭住我博頭問我有冇比波「耍」中，然後見到班友就好大聲咁渴佢地，未試過一分鐘見到阿sir兩個咁極端既面目，爽爆！！咁之後就返神經喇，先至驚驚地人身安全，因為果班友唔係善類，有個仲坐過監添，好驚佢地會搵我報仇....