今日個天一直落雨，我拎左包糉出去土瓜灣比我阿婆。返黎果時諗住先去旺角買魚既，點知落雨落到好似倒狗屎咁，於是就取消呢個節目，直接坐車返屋企喇。返到屋企就做左兩粒鐘功課，做完之後就同人傾icq，傾下傾下就講下有幾多女仔係icq個buddy list到啦，條友就講話有好多，仲未計msn果d。呢個時候我就想申請返個msn喇，之前都試過申請，但唔成功，今日終於都成功喇，依家已經有3個人係我個buddy list入面，比icq既79個人都仲差一大段距離！