今日出左去我阿婆果到做節，10點就坐車出去幫手煮下野咁啦，順便就拎d野比我家姐。今日有好多野食，有菜心、魚、白切雞、燒肉、冬菇、荷蘭豆...仲有好多，多到數唔晒，不過就冇糭喇！-.-食完野之後就睇DVD啦，睇梅艷芳91年果個告別演唱會，睇到2：30先坐車走人。不過係樂富就塞車喎，因為要鋪路，咁啱啱鋪到燈口位，所以我地架車就唔可以右轉。鋪路都幾好睇呀，睇住佢倒d瀝青落去，然後搵架車壓實，再用水冷卻，d水一倒落塊地果度唔洗三秒就出晒白煙，可想而知塊地係幾咁熱。三分鐘就鋪好塊地，然後就放車行咯。去到荷里活果時就見到後車，不過佢始終都排唔到我地頭。返到屋企睇陣電視就做功課，端午節就咁過去喇。
| 
