今晚食完飯，洗碗果時發現冇水。阿爸阿媽話5點幾果時見到爆水管，到依家終於冇水喇！咁就大鑊啦，我同老豆都未沖涼，點算呢？唯有執埋包袱，過去我阿姨果度沖啦，我地9點2過到去，我姨丈就沖梗涼。我就等到9：30先有得沖，我10分鐘就沖好喇。咁我沖完就到我老豆沖，然後就坐左一陣，係10：15就返歸喇....回家果時就去睇下爆水管現場維修工程既進度啦，見到佢啱啱扑斷條水管，預備左一條新既水管準備鋪落去。希望佢聽日有水供應啦，如果唔係聽朝我就要上學校食早餐咯！