今日約左9點半補習，之前已千叮萬囑我補習老師務必準時，佢叫我今朝8點打比佢叫佢起身。咁我都有打比佢，點知去左留言信箱，我都費事再打，當佢起左身。到左9點半喇，仲唔見人，於是打比佢，佢話仲要遲兩個字先到，有冇搞錯呀？我12點半要出去飲茶架！如果唔係都唔洗約到咁早啦！原來佢所謂既「兩個字」，係我地正常人黎講既半個鐘！佢到10點先到，唯有補一個半鐘啦，補到11：30就算。

今日係我家姐生日呀，所以先出去飲茶。不過佢由於工作關係，都去唔到，係度同佢講生日快樂先。