咁今日就約左姑媽佢地去客家好棧飲下午茶啦，由於時間相撞關係，我就將下午既工作掉到上午做喇。12：30就坐車出去，好好彩咁坐中架正車！飲飲下茶果時無啦啦話去我阿叔果度食晚飯，都好既，可以出下街。點知去到8點鐘都冇野落肚，好唔習慣，因為平時6點幾就已經開左餐，突然咁夜都未有野食就唔安樂。結果搞到9點45分先可以坐102返屋企，原本就係去旺角轉72X既，但係阿媽話要坐307。開頭都唔係好想，因為會好貴！返到屋企時間為11時05分，阿媽一返到去就上網。以後都唔想去阿叔果度食，雖然餸係唔錯，但係次次都搞到8點幾先有野食，返到屋企冇11點先奇！連我姑媽都話怕怕，以後都唔想去果度食野！