一年一度既書展係尋日展開，為期6日。今日我就去左幫襯喇，其實自2000年起，年年都會去一次書展，唔經唔覺已經6年了。今年就得我自已一丁友去，因為阿媽隻腳唔妥，行唔到好多路；老豆就北上睇廠，可能有機會可以開工。咁今次就叫阿媽比左$300我，但我只係用左$196.4，枉老豆仲私人醒多$200比我。係呢$500當中，小弟只係用左39.28%既錢，係咪好慳呢？！今次既收獲都叫做OK豐富，都搵到幾多啱我心水既書！