今日阿媽染髮，染完之後發覺冇晒洗頭水，於是就叫我落去買。買之前已經睇清楚舊樽上面寫左乜野，記熟晒，就胸有成竹咁落街買喇。咁買左上黎之後，第一個用呢支野既就係我。當我將呢個「洗髮水」塗在手上時，發覺佢好「傑」，再睇一次，先知我買錯左護髮素。真係好煩，兩樽野整到99%似，唔加倍小心睇就跌左落陷阱。

唉，唔經唔覺，暑假又過左大半個月咯，得返最後一個月既假期。呢一個月，暫定有8日要返學補課，返學既日子都比理科班學生少好多好多。人地星期一至五日日都要返，我地格格埋埋都係得果8日。希望最後呢31日可以開開心心咁過埋去啦，都知道下個月既呢一日已經問開始受苦架喇。