今日補PA，原本話要由上午10點補到下午1點既，結果12：10就走得。下午2點準時去到大埔墟火車站，同fd去遊車河。行程係咁既：坐火車去上水，然後坐城巴902R去嘉湖山莊；轉輕鐵去大興邨，坐66去深水埗；行去旺角始創中心睇展覽，最後坐271返屋企。講下今次行程特色先：城巴902R號路線，將於本月內結束營運，轉由冠忠遊覽車公司繼續營辨；九巴66號路線，係目前唯一一條有非空調巴士(熱狗)行走既屯門公路並全日服務的路線。唔知點解，坐熱狗行屯公果時，好懷念以前有熱狗行吐露港公路既路線，陣陣涼風吹埋黎，真係好爽。依家，除左74S之外，再沒有其他路線的熱狗會行吐公了。