「出阿婆到」呢個活動係呢星期不斷進行，今日亦都唔例外。下午2點就同阿媽去養和覆診，佢冇事，一年後再做定期檢查。於是就坐叮叮去維園轉116返我阿婆到，係上車果時，我細舅父打比我阿媽，話佢自己入左醫院，叫我地唔好同阿公阿婆講，免得佢地兩個老人家咁擔心。最後，我同我老豆就走先，去威爾斯探舅父，佢傷左隻手指，中指有骨折，要做手術。原因係咁既，佢係做物流業既，負責揸車。當佢開工果時，隻手放左係車門，準備開匙同開冷氣，點知另一架車就趕住出車，佢個車尾一擺，就撞到我舅父架車個門，一夾就夾親我舅父隻手。好彩就有人車我舅父去醫院，唔洗坐白車，如果唔係，果條友就等坐監！
| 
