中五既第二個上學日，依然都係無無聊聊咁過。進行左中五第一次掉位，係女多男少既情況之下，我被迫同女仔坐，好無奈。然後又選埋果d乜鬼班會、科長等等諸如此類既物體。我地學校有個崗位叫閱讀大使，可惜我地班冇人肯自薦做呢個崗位，因此就去到提名階段，一個叫做monkey既同學，無啦啦提名我，又有人和議，於是我就成為四個候選人其中之一。開頭我好樂觀，諗住實冇乜人投我票，應該唔洗做。點知，到左投票果時，驟眼望落去都有好多人投我票，結果係成班36個人當中，有31個人投左我票，真係救命，想唔做都唔得！