今日約左我表弟佢地去踩單車，我同老豆係大埔踩去馬鞍山同佢地會合，諗住玩一玩就去飲茶。當我地去到馬鞍山時，佢地已經話要飲茶，咁就去左間酒店果度飲。飲完之後，就同表弟佢地踩去沙田孖橋果度玩一玩先，點知臨到果時落雨，立即取消左呢個活動，佢地有佢地踩返屋企，我地有我地踩返大埔。去到馬料水果時，雨勢實左太大，於是係橋底果度避避雨，大約5分鐘之後再度出發。一路行車果時都有落雨，雨勢唔可以話好大，但亦都唔細。返到屋企落下個單車房果時，人又濕，單車又濕，仲濕過濕地公園，最後搵左塊布抹抹部車，希望聽日可以踩返我部私家車返學啦。