廣告都有話：「『意外』即係意料之外，係唔可以避免既！」係咪好奇怪我做乜無啦啦係度發邑風呢？其實係內乾坤既，話說今日踩車返學，去到怡雅苑果時我必須要剷上行人路上橋先可以上山返到學校門口。當我係左線切入右線果時，有個應該係救恩既學生係我右邊不足一米處駛至，由於時間非常緊迫，避無可避，兩架車相撞，兩個司機應聲倒地。我既右腳被夾住係兩架車中間，郁都郁唔到，我身體就擲住左救恩果條友同佢部私家車，兩個人就係咁無辦法自行起身。好彩有個途人守望相助，首先幫我拎起架車，令我可以起身先，我起身後，救恩果個人自然就起到身。為左保持各自學校既聲譽，大家都循例問下對方有冇事，然後各自趕返學校。我只係隻右腳腳踝果度有少少痛，落車之後檢查傷勢，只係甩皮，並無大礙。我懷疑係咪救恩果個人幫我擋左一劫,因為咁跌落石屎地一定流血，但我只係好少好少事，可能就係因為我擲左係佢上面先冇咁傷，不過佢就可能傷得重過我。