今朝7:35am起身，之後咪好似平時朝早咁，今日要早會，早完會，班主任俾我地直接去更衣室，唔洗上去 ，因為第一&二堂係體育堂，不過D女仔就上晒去，之後換完衫就跑步，我同譚叔佢地一齊慢慢行 ，今堂教曲棍球，唔係冰上果隻喎，同何b一組，一個唔正經嘅人加上一個都係唔正經嘅人，咁個唔正經指數可以話係達到100000000000 ，最後果時，亞sir就叫左10個人比賽，5打5，我冇出，唔好以為我冇得出呀，因為係紅社對黃社!!!之後第三&四堂係地理，咪又係同譚叔&貓so傾計，最後果時又喺度小測，堂堂都小測(除左琴日果堂)，我要小佢 !!!之後第五堂係數學，咪又係教做數，上到一半，我訓左陣 ，譚叔就叫醒我啦，之後就做數!!!之後第六堂係英文，成堂小測，唔洗上堂 ，今次小測唔計分 ，哈哈…… 我就緊係亂咁做 !!!之後就返屋企食飯，食完飯12:50pm就返學校，返到學校就上去禮堂，因為今日選課外活動，中午俾D中一仔選，咁我咪幫洪姑宣傳宣傳下囉，我叫得好大聲 ，叫到個個人都睇住我 ，叫左好多次，叫到我個喉嚨沙左少少 ，由冇流汗叫到流晒汗，吳爆光同我講~你入童軍，做一年，我俾個隊長你做~ ，有冇咁著數呀 ???之後1:30pm就收工，我就攞圖傳D野落去上第七&八堂嘅圖傳，咁又係好尊心咁畫野囉 !!!放學就上禮堂繼續我嘅工作~~宣傳，冇中午咁多人 ，之後4:15pm就收擋，之後就去家資追月，姐係食下中秋節D野咁啦，食完我&貓so&子輝就去同D中一仔打下籃球，打到5點到就收波，之後就喺家資玩，我同子輝一組，對撈丸佢地四個女仔，用兩個沙灘波拍黎拍去 ，之後6:45pm就走，洪姑叫我地一陣返學校幫手，就請我地食飯，咁我就返屋企沖個涼，換件衫，7:30pm就去彩龍搵佢地，洪姑&Eric就食完，子輝岩岩食，貓so就等緊飯，咁我就叫飯，之後洪姑&Eric就返學校先，子輝&貓so就食飯，我仲等緊飯，我碟飯到左，子輝&貓so就返學校 ，得返我一個喺果度食 ，慘…… ，食完我就返學校，之後做左一陣野，根仔話我同子輝冇著校服，叫我地落樓下，咁我地咪去雨天操場玩囉，之後我叫左一個我識得又唔係我地學校嘅人爬入黎我地學校坐陣，之後我地三個就正門出，冇人話我地喎，之後我地去左公園坐陣，之後我同子輝就返去學校，之後上去禮堂門口幫手做野，做到10:30pm就返屋企，返到屋企就睇電視，睇到11:30pm就打琴日同今日嘅日記!!!