今日7:35am起身，之後梳洗&換校服，之後返學校!!!

第一&二堂係體育堂，今堂又係曲棍球 ，去左新翠足球場玩，首先就練習下先啦，我&貓so&何b一組，練練下，貓so唔小心用碌曲棍球啲棍打中我下杷 ，嘩……好痛呀…… ，仲流埋血添 ，之後就比賽，我地綠社同黃社對藍社，我地果邊得到一個罰球，由黃港建主射，佢射完之後，佢又唔小心用碌曲棍球啲棍打中我下杷 ，因為我企左喺佢隔離，之後打和一比一，咁就射十二碼，得十二碼嘅過程，黃太方為保藍社打入決賽，勇救毛群生嘅十二碼，導致左腳骨折，唔係唔係……冇咁嚴重，只係仆左落地，擦爛左條褲，仲擦傷埋隻左腳，之後退下火線，不過最後都係我地贏 ，之後對紅社，喺比賽果時，貓so用碌曲棍球啲棍打中左我地隊黃社嘅陳啟麟粒右眼 ，嘩……貓so果然係譚叔嘅第一號暴力殺手 ，之後都係我地贏 !!!

第三&四堂係地理堂，仲以為今日會教第二課添 ，點知仲要教埋今堂 ，今堂又教等高線 ，咁我估一陣小測可能測依張工作紙，咁我就喺度做，做完就聽下書同傾下計，我話貓so真暴力，貓so竟然話……我最憎黃社 ，嘩………唔通貓so體育堂係凸登打個黃社嘅 ???之後就小測，D人喺度做小測嘅時候，我就無無聊聊!!!

第五堂係數學堂，做會考題就過左!!!

第六堂係英文堂，睇下報紙就過左!!!

之後放食飯，我要去隆亨買圖傳嘅筆，咁就同譚叔行，去到我都係買唔岩 ，咁就返屋企食飯，1:15pm就返到屋企，咁就食飯&沖涼&睇新聞，之後1:45pm就返學校!!!

第七&八堂係圖傳，又係畫下野好快過，到左差唔多放學，亞sir問我地圖傳D人邊個想做~校園服務生~，點知……得我一個做 ，亞sir話好灰心&好失望得我一個做，之後放學亞sir同我傾下要做D咩，亞sir叫我做~食物部委員會代表~，係邊佢嘅，之後就出返去做多陣圖傳，4:15pm就返屋企玩電腦，玩到8:00pm就睇電視，睇到11:30pm就睇我用BT  Download嘅~keroro軍曹~ ，睇到1:30am先訓!!!

我發現……我……已經……愛上左……~keroro軍曹~ !!!