今日7:30am起身，之後咪梳洗&換校服&食碗麵，之後要吹乾對鞋 ，因為琴日同子輝玩水，玩到濕晒，之後就返學校，又唔洗集隊 ，因為又係天雨嘅關係 ，上班主任堂果時，亞sir俾左我果本手冊我 ，我好驚奇 ，點解本手冊會喺亞sir度呢 ，打開本手冊，原來攞左去校務處蓋印 ，我仲以為依幾日唔見左本手冊 ，要去買過本添!!!

第一堂係圖傳，教徒手畫圓形，畫畫下，好快就一堂啦 !!!

第二堂係地理堂，我坐何b隔離，Miss教等高線圖同斜坡嘅橫切面，咁我唔想聽 ，因為中二區桂萍教過，咁頭半堂我就畫圖傳D畫，之後半堂唔想畫就無無聊聊咁過左 !!!

第三&四堂係數學堂，一開波就突擊測驗，不過唔算係突擊測驗啦，Miss琴日講左，八題數，好易姐 ，做完仲有幾分鐘就趴喺度 ，之後收完卷Miss講答案，唉……錯左第3&4題添 ，仲諗住攞滿分嫁，之後咪又做數!!!

之後小息就攞晒櫃筒D書出黎，因為一陣第五&六堂英文堂，班主任話調位，希望可以同譚叔&貓so&何b&馬騮一齊坐啦 ，到左英文堂，亞sir就開電腦，俾新坐位表我地睇，好緊張呀…… ，打開左，我同譚叔坐 ，坐左喺班房嘅中間 ，何b同馬騮坐，不過何b佢地唔係喺我地後面 ，喺我地邪後面 ，都好，不過貓so就去左窗果邊 ，唉……我同譚叔都唔想坐後後面果兩個女仔前面 ，唔多滿意依個安排，亞sir話最少都要兩個月先再調 ，希望後面果兩隻野唔好餃事啦 ，之後就上Listen，我又唔聽野 ，譚叔又唔聽野 ，唉……冇得抄添 !!!

之後就返屋企食飯，食完飯就睇下新聞，睇到1:15pm就返學校!!!

第七&八堂係中文堂，Miss又冇返 ，唉……唔知個Miss會請幾多日假呢 ???頭果堂，就黎個亞sir代堂，又唔教書，咁我就畫圖傳D畫，畫下畫下，就一堂，今堂李素萍代堂，又唔教書，咁我又繼續畫畫畫畫畫……，畫下畫下就放學!!!

放學就返屋企，本來想去洪姑度，不過洪姑冇返 ，咁我咪返屋企囉，返到去就打琴日果篇日記，打完就同譚叔&馬騮申請高達嘅Online Game ，玩到5:45pm悶就去左訓 ，訓到9:20pm先起身，之後就刷牙&玩電腦，玩到10:00pm就食飯&睇電視，睇到11:30pm就沖涼&打日記!!!