今日7:30am起身，之後梳洗&換校服，之後返學校!!!

第一&二堂係數學堂，咪又係做下數!!!

第三堂係歷史堂，咪對下上次小測嘅卷囉，唉……我得17/35炸 ，咁之後亞sir問邊個想星期一放學留低重測 ，咁全班除左五個人(其中一個係貓so)唔測，其他人都測(包括我&譚叔) !!!

第四堂係電腦堂，一開波就小測，測兩條Pascal，唉……又唔夠時間啦 ，下次又要補測啦 ，之後就教書，會考唔洗考Pascal，但係亞sir係要教 ，葉sir教嘅DE班又唔洗教，亞sir話因為我地乖，先教多D俾我地識喎，車……我唔要呀 !!!

第五&六堂係英文堂，一開波默書，係背默25個動詞嘅現在式、過去式同埋唔知咩式(我好肯定……一定唔係蛙式、蝶式、自由式同方程式)，總共75個，70分先合格，唔合格就抄個範圍3次 ，默完就交換改，Oh~~我得……58分 ，慘…… ，之後亞sir話60分合格 ，下……咁我差兩分 ，之後亞sir話54分合格 ，Yes……我合格 ，亞sir口硬心軟 !!!

之後放食飯，就返屋企食飯&睇軍曹 ，之後1:45pm就返學校!!!

第七&八堂係中文堂，一開波就小測，測記敘文，俾篇野你睇，睇完就答，好鬼難呀…… ，測完就教書，教說明文!!!

之後放學就去四樓新翼嘅活動室，餃社會服務組嘅社員大會，嘅完就去家資玩，貓so&撈丸&某D女仔就幫Eric sir畫野，子輝&邦邦就玩波子棋，我就好無聊，玩到5:45pm就返屋企，返到去就玩電腦!!!

玩到10:00pm，我放棄睇~大奧~，為左對抗~Keroro軍曹~嘅侵略 ，不過最終都係俾佢地攻佔左我日記 ，依家個日記D圖變晒~Keroro軍曹~ !!!