今日7:35am起身，之後梳洗&換校服，之後返學校!!!

第一&二堂係英文堂，又係小測 ，測下閱讀理解&英文地址&Listen Book後面果D生詞等等，我除左英文地址之外，其他都唔係幾識 ，咁咪亂填囉 ，做完仲有10分鐘左右，咁我就趴喺張枱度訓 ，不過訓唔著 ，之後就教陣報紙，哈哈……譚叔竟然俾亞sir抽中要做newspaper cutting !!!

第三&四堂係歷史堂，亞sir竟然冇返 ，有個教歷史嘅Miss黎代堂，不過佢唔教書 ，叫我地自修 ，唉……我仲意上歷史堂 ，亞sir就冇返 ，我唔仲意上英文堂 ，亞sir就有返 ，唉……，咁我&譚叔&貓so就傾下琴日踢波D野&傾下世紀帝國等等嘅野 !!!

第五堂係中文堂，Miss終於返黎啦，都有大半個月冇見Miss果個美麗嘅面孔&甜美嘅聲音 (絕對係……講反話 ，作嘔 )，之後就教書，Miss問做左D答題未，D人就話未做 ，其實做左 ，咁Miss就教，我就冇聽到，喺度摺馬紙，用黎射馬騮 ，摺左陣就冇摺!!!

第六堂係數學堂，Miss派五張工作紙俾我地，教我地做!!!

之後放食飯，何b同馬騮好快就走左 ，怕我用馬紙射佢地喎 ，咁我就返屋企食飯&睇電視，神舟六號返回倉於今日凌晨4:33am成功著陸地面 ，之後1:40pm就返學校，返到學校我就去左家資，因某D事，同周周嘈左陣 ，之後我同子輝去禮堂睇莫少邦放臭彈 ，邦邦整左下，就開始漲大，漲左陣就唔漲 ，個個都話邦邦買流(流=貨不對板)野 ，咁邦邦就玩左陣，之後又整多下，又開始漲 ，漲左陣，有條友用羽毛球拍拍埋去 ，即刻爆左 ，個包裝袋爆到好高，成個禮堂臭晒 ，我同子輝就上返去四樓 !!!

第七&八堂係電腦堂，又教Work嘅文書處理!!!

之後放學我就去左四樓新翼活動室睇D實習學長開會，睇左陣我就落去家資，睇下子輝佢地打羽毛球，之後4點幾就倍子輝送女仔返屋企(文禮閣果邊)，之後我同子輝就返去家資，同貓so一齊傾下世紀帝國，之後6:20pm就返屋企，返到屋企就玩電腦，玩到8:40pm左右，就同何b一邊傾電話，一邊玩ICQ，之後8:45pm何b俾左陳俊昌ICQ我 ，陳俊昌就問我係邊個 ，何b叫我答係佢一個暗戀左佢好內嘅女仔 ，之後就開始玩佢 ，玩到9:00pm就3拉埋俾馬騮，一齊玩 ，玩到10:00pm就俾左細佬玩電腦，咁我&何b&馬騮就繼續傾電腦，傾到10:30pm就收線，咁就就睇電視，之後沖涼&打日記!!!