今日7:30am起身，之後梳洗&換校服，今日著新鞋 ，之後返學校，今日朝早係閱讀堂，我又冇帶書啦 ，咁又同譚叔借佢果本~Q版特工--鴉殺~睇 ，不過譚叔話英文要投馬騮做組長 ，咁我就應承佢 ，睇呀睇……好快就過左啦!!!

第一&二堂係地理堂，一入到地理室，Miss就俾張紙我地睇 ，原來係新坐位表 ，要我地調位 ，譚叔同貓so就坐左喺最前果排 ，我就坐最後果排 ，分隔兩行 ，就如分隔南北兩極 ，我右邊隔離係亞狗&殷銘諾，左邊係女仔，前面竟然係4B班嘅癲佬 ，喺度餃住晒 ，之後就教書，教內營力，教完就小測，測上堂教嘅果D內營力，我都識做嘅 ，之後交簿果時，我中左前面個癲佬整喺我張枱嘅膠水 ，依……衰人…… !!!

小息我就落去校務處打電話俾老豆，叫老豆幫我攞圖傳D野黎 ，因為我唔記得帶返黎 !!!

第三&四堂係英文堂，對Gammer Book，我就冇對到，因為我本Gammer Book係抄答案嘅 ，唔洗對都岩晒 ，上上下堂，工友攞左D野黎俾我 ，俾D人話我不孝子 ，要父母攞野俾我 !!!

第五&六堂係圖傳堂，今堂又係教用木顏色畫明暗，D野唔洗用，不過亞sir要檢查!!!

之後放食飯，咁我就返屋企食飯，食完飯就睇陣電視，之後1:45pm就返學校!!!

第七&八堂係中文堂，Miss又冇返 ，第七堂就搵左袁爆光代堂 ，一開始D人就好嘈&調位 ，之後亞sir話點名，如果唔坐返自己位就當冇返 ，之後D人就番返自己位 ，不過黃太方冇返到 ，亞sir開頭就話唔點佢，最後應該點返，之後張志鵬講左句~頂你個肺呀~ ，咁亞sir就叫佢唔好再講，佢一邊用佢個頭頂區浩勤，一邊話~我頂佢個肺至播~ ，之後亞sir就罰佢企 ，佢就話~我頂你個PatPat呀~ ，之後第八堂就葉慧儀代堂，D人好靜 ，咁我就借譚叔果本~Q版特工--鴉殺~睇 ，睇到放學!!!

放學我就去左家資一陣，之後4:00pm我就返屋企玩電腦……玩到9:40pm我就剪頭髮，剪短少少，剪到10:05pm就剪完，我就沖涼，之後睇~大奧~，睇完就打日記!!!