今日7:30am起身，之後梳洗&換校服，之後返學校!!!

第一&二堂係電腦堂，今堂終於唔洗教Pascal ，不過……竟然教D小學生都識嘅Work !!!

第三&四堂係英文堂，又Listen，我緊係又冇聽啦!!!

第五&六堂係歷史堂，一開波就檢查上堂叫我地返屋企做嘅工作紙，全班除左兩個女仔之外，其他人都……冇做 ，亞sir問其中一個有做嘅女仔應該點罰我地，佢話抄個題目三次，都好易姐 ，不過唔知點解其他人仲要話多 ，之後就教做工作紙，做到落堂先做左半張!!!

之後放食飯，就返屋企食飯&睇電視，之後1:45pm就返學校，返到學校就抄罰抄!!!

第七堂係老師黎班房書籍分享，果個老師咪就係我地嘅助理班主任--黃金沙，唉……佢教經濟&商業，講本書都係經濟嘅 ，鬼咁悶，最憎就經濟&商業 ，如果唔係我就修左依兩科啦 ，唉……竟然上左我上生中第一堂經濟堂，亦係最後一堂，更加係惟一一堂!!!

第八堂係數學堂，又係做數，唔知點解今堂做數嘅速度慢左好多 !!!

第九堂係中文堂，繼續教返上堂教剩果半課!!!

放學就入左家資，之後梁子輝&貓so&某某人喺度打羽毛球，我就畫下圖傳，之後5:00pm收波，子輝就蚊左馬慧中個頭髮髮(cool)，之後俾左貓so，貓so就俾返馬慧中，咁子輝就話貓so同馬慧中有路 ，貓so就追住子輝打，子輝就走，咁我就追住貓so睇佢點打子輝 ，之後跑到後花園果度，子輝俾貓so捉到，子輝仲撞埋去D石級度，擦到右邊褲腳爛左 ，仲即刻流血 ，流得好快 ，個傷口好似粒眼咁 ，仲好深 ，咁我地就扶佢去校務處，之後Miss就幫佢包紮，包紮果時愈黎愈多人圍住睇，校長&亞sir&Miss都圍埋黎睇，包紮完就call白車，白車好快就到，之後就送佢上車，咁我地就返屋企，返到屋企我就打日記，6:50pm就去隆亨買三角尺，細佬倍我去，買左十吋嘅三角尺，少少膠就要12蚊，唔好去搶 ，之後就返屋企繼續打日記!!!