今日12:00pm起身，嘩……天氣比琴日凍左 ，咁我無下個日曆，原來今日係一年二十四個時節嘅--霜降 ，唔怪得凍左啦，咁我就攞左件長(就)衫同褲著，之後梳洗&食飯&玩電腦，玩到2:00pm就同細佬&譚叔&何b&細佬個朋友去田心踢波 ，去到果度，有5個o靚仔喺度踢，咁我地踢住半場，踢左陣，就同果5個o靚仔鬥波，鬥波果時，有個肥仔成日撞埋黎攞波 ，我差D俾佢撞跌 ，鬥左陣，有個上個禮拜同我地踢過嘅人黎左 ，果個人就係上個禮拜著住國米波衫成日推人果條友 ，咁果5個人應該係上次同我地踢過果幾個啦，之後又黎多兩個人 ，又係上次果兩個，兩個人都係高嘅，加埋國米，三個換左入黎 ，又好難打 ，打到3:00pm，子輝先黎，之後換左譚叔出去，子輝入黎，踢到大約3:30pm就走，我&子輝&譚叔&何b就去OK買野飲，何b喺果度夾左個蒜(容)包食，點知夾跌左落地 ，咁何b就惟有買啦，唔通換咩，咁冇品，之後何b話買返去俾亞媽食 ，嘩……何b咁不孝嫁 ???之後買完野飲，子輝還返30蚊俾我就返屋企啦，返到屋企睇陣電視就玩電腦，玩到5:30pm就同細佬去買野，買完6:30pm返到屋企就繼續玩電腦&打日記!!!