今日7:35am起身，之後梳洗&換校服，之後返學校!!!

第一&二堂係英文堂，教作文D野!!!

第三&四堂係歷史堂，教極櫂主義喺兩次世界大戰嘅崛起!!!

第五堂係中文堂，Miss又冇返 ，唔先咩咩sir黎代堂，譚叔話佢有D似哨牙仔 ，不過隻牙唔夠哨、個人唔夠瘦、隻眼唔夠矇，咁咪姐係唔似囉 ，個亞sir俾D蘇州園林景色俾我地睇，我就睇埋譚叔本~Q版特工--鴉殺~嘅最後幾頁，Yeah……終於睇完啦 ，好好睇呀，之後剩返少少時間就睇亞sir播果D野囉!!!

之後放食飯，咪返屋企食飯，之後1:40pm就返學校!!!

第七&八堂係電腦堂，不過今日要去香港理工大學睇智能家居(Intelligent Home)&生物認證(Biometrics) ，咁我地就喺A場點名，有中四BC班&中六&中七嘅同學去，點完名2:15pm就上車，2:35就去到果度，我地分兩組，中四BC班&中六就跟王立新去睇智能家居先，中七就跟蔡家榮睇生物認證，有個人同我地講解，嘩……D電器全部都用一部掌上電腦控制晒 ，一個字……「正」呀 ，又可以又聲音控制，岩晒D坐喺度唔郁嘅懶人呀 ，睇完之後我地就去睇生物認證，有個普通話嘅人講解 ，我聽唔明，就冇聽到，有好多儀器真係見都未見過呀 ，睇完之後3:55pm就上車返學校，返到學校就4:15pm，唉……真係慘 ，咁遲先放 ，咁我就去家資玩，玩到5:00pm，洪姑又清場 ，咁我就返屋企玩電腦，玩到6:15pm就同細佬出去新翠果間大特價嘅店睇下有D野買，我估果間野應該係屈臣士，睇睇下野見到哨牙仔 ，就同佢喺入面一齊傾陣計，之後買完野就走，返到屋企就繼續玩電腦……