今日7:30am起身，之後梳洗&換校服，之後返學校!!!

第一&二堂係地理堂，教火山，教呀教……之後就派之前嘅小測，唉……得29/50 ，唔滿意自己嘅成 績，唉……鬼叫你小測果時做咁慢咩???自己攞黎嘅 ，咁就對卷，咁我就喺度睇~Q版特工--前傳 誤闖間諜網~ !!!

第三&四堂係英文堂，有個人黎監堂 ，亞sir叫我地自己分組坐，教Speaking，咁我就匿埋喺譚叔後面繼續睇我本~Q版特工--前傳 誤闖間諜網~ ，睇呀睇……好快就過一堂 ，個監堂嘅人走左，亞sir繼續教書，咁我就繼續睇~Q版特工--前傳 誤闖間諜網~ ，睇到落堂前十分鐘，我就喺張枱訓著左 !!!

第五&六堂係圖傳，今堂教畫第三角投影圖，好易姐 ，之前我地中一至中三設技堂係教圖第一角投影圖，不過依家會考考嘅係第一角投影圖，咁亞sir就教圖第三角投影圖囉!!!

之後放食飯，咪返屋企食飯，點知行到去屋企樓下，個管理員亞姨話老豆去左大排擋食飯 ，話老豆叫我去食，咁我就過去果度，咁我唔想喺大排擋食，就喺果度買個食盒，之後返學校嘅家資食，食完我就去圖書館借書，借左~Q版特工--百慕達三角~&~陳嘉薰醫生探案~ !!!

第七堂係週會，就集隊上禮堂聽講坐，今次係聽~唐氏綜合症~，咁我就喺度睇~Q版特工--前傳 誤闖間諜網~ ，咁亞sir就改左我本野 ，話週會完左俾返我 ，咁就睇下片，睇完就問答，之後2:45就上返課室上第八&九堂嘅中文堂，上到課室，吳福民坐左喺度 ，唉……Miss又冇返 ，之後貓so&蕭根榷入到課室，將後面果部冷氣機嘅扇葉一手挬去後面，俾吳福民見到 ，之後就罰左佢地企，叫佢地同全班道歉同諗解決方法，咁佢地企左陣就道歉，貓so話:「對…唔…住…，…各位同學…」，之後有冇解決到個方法我就唔知，因為我好尊心咁睇~Q版特工--前傳 誤闖間諜網~ ，第九堂就係樊俊怡老師代堂，我繼續睇~Q版特工--前傳 誤闖間諜網~ ，睇到放學!!!

放學我倍譚叔去搵班主任，因為亞sir話譚叔冇交全方位學習日嘅回條 ，但係譚叔有交，所以就搵亞sir，搵完我地就返屋企，返到屋企我就畫圖傳D功課，畫呀畫……，畫到5:30pm，我醒起我應承左亞sir放學幫佢手磨返D圖板 ，咁我就拿拿聲換返校服，之後跑返學校 ，返到工藝室，亞sir話已經磨晒 ，咁我就同亞sir解釋點解我冇黎，亞sir就話:「你喺返企做我D功課咁乖，算啦，你嘅心意我明嘅」，咁講我都好D ，咁我就去家資睇下有咩餃，點知洪姑佢地岩岩要開會 ，咁問我星期日去唔去金山郊野公園幫手做野，咁我就話好，咁就一齊開會，開到6:00pm就走，咁我&貓so就倍子輝送馬慧中返屋企，之後我同貓so就返屋企，子輝就去醫院，返到屋企6:30pm就繼續做圖傳，之後睇~Q版特工--前傳 誤闖間諜網~&電視，睇呀睇……，我睇完~Q版特工--前傳 誤闖間諜網~ ，就繼續睇電視，睇完電視就沖涼，之後喺張床度睇~Q版特工--百慕達三角~ ，睇呀睇……睇左差唔多半本就訓 !!!