今日7:30am起身，之後梳洗&換校服，之後返學校!!!

第一&二堂係體育堂，之前班主任堂完左，D人出晒黎我先記得今日有體育堂 ，唔記得帶體育衫褲 ，慘……咁就同亞sir借 ，亞sir就借左件藍社體育衫俾我 ，話冇褲借俾我 ，咁我就換左件衫，冇換條褲，就咁著條校服褲，之後亞sir借對波鞋我著，之後D人話我好新嘅配搭 ，體育衫配校服褲 ，之後就長跑，跑到禾(邪)果條沙燕橋就回程，一開始就跑呀跑，跑到文化博物館就冇乜氣就跑下行下，去到橋我攞第20名 ，之後追呀追，追到第12名返到學校 ，本來施梓杉&貓so喺我前少少 ，不過追唔到佢地 ，之後我就去左新翠足球場鬥陣波 !!!

第三&四堂係地理堂，教斷層，好易姐 !!!

第五堂係數學堂，教新一課 ，第二課，都好易姐 !!!

第六堂係英文堂，睇下新派嘅英文報紙，之後就教陣Gammer Book，之後亞sir唔知點解唔教 ，就講陣野，正…… !!!

之後放食飯，咁我就返屋企食飯，食完飯就睇陣電視，之後1:45pm就返學校!!!

第七堂係班主任堂，亞sir帶我地去地下電腦室睇人體解剖 ，係真人俾人解剖 ，一開始就講左一陣野，之後就睇解剖，一播解剖，區浩勤即刻叭喺度唔睇 ，仲塞住個耳仔 ，因為佢驚睇依D野 ，我&譚叔&馬騮&何b就笑佢 ，因為佢中三果時次次播親鬼片佢都驚 ，次次都係叭喺度唔睇 ，之後睇解剖個腦果時，馬騮話:「我個頭有D痛」 ，哈哈…… ，之後要攞條骨髓出黎，要整隻腳，咁我就話:「馬騮，你隻腳係唔係有D痛呀???」 ，咁何b就對住馬騮話:「人地解剖緊條屍，又唔係解剖你，點解你會痛呀???唔通條屍係你???」 ，哈哈…… ，之後睇到拉手指就打鐘 ，冇得睇，就上去課室攞書包上第八&九堂嘅圖傳，今堂教畫圖框&寫工程數目字，畫圖框就易畫 ，不過D工程數目字就比較難 ，好似D幼稚園學生咁，一筆一筆慢慢教我地畫 ，畫下畫下就放學，亞sir4:25pm先放!!!

之後我就上去搵黃志強攞張通告，關於校園服務生嘅，之後就去家資畫圖傳D工程數目字，畫呀畫……，畫到6:05pm就返屋企，返到屋企就繼續畫埋D字佢，畫到7:15pm就畫完，其實亞sir叫我地畫三次就得，不過我就想練熟D ，所以畫左好好多次 ，咁就玩電腦……