琴晚同coco姐喺MSN傾計傾到1點幾先訓 ，今日6:00am起身，訓得4個幾鐘 ，之後梳洗&整今日嘅午餐--蛋治 ，6:40am整完就食早餐&換衫褲，之後7:00am就行去大圍火車站等佢地，等左5分鐘左右，郭啟黎左 ，唔知點解佢會黎 ，我地都冇約到佢 ，咁算啦，一齊啦 ，之後哨牙仔黎左，之後貓so&文兆軒黎，又唔知點解文兆軒會黎 ，我地又係冇約佢 ，咁又一齊啦 ，之後子輝黎埋，已經7:15am，譚叔&馬騮先至到，咁我地七個就一齊搭火車去大學站，喺車廂見到諾哥&陸建勳 ，之後落車就行去馬料水碼頭，途中見到猩猩佢地 ，又一齊行，行到單車徑果時，有D牌話向左邊行 ，咁我地成班人就行左邊條路啦，行到落隧道果時，見到黃金沙同D學生反方向行 ，黃金沙叫我地(掉)返轉頭行 ，咁就(掉)返轉囉 ，之後去到就等齊人，之後點名，咁我就攞我琴日喺百佳買嘅~益達潔白無糖士多啤梨味香口珠~，咬一咬，點知……係我最唔仲意食嘅……薄荷味 ，嗚嗚…… ，之後7:40am就上船，我&譚叔&貓so&子輝&馬騮&哨牙仔一齊坐第一層嘅船尾，開船之後我就去左船頭吹風 ，好多人都喺果度，之後我就企左喺果度睇~Q版特工--從陰間來的E-mail~ ，D人話我好寫意 ，睇左陣就唔睇啦，咁就繼續喺船頭吹下風 !!!

10:20am到左東平洲嘅王爺角碼頭就落船，一落到船，有隻狗喺度等我地 ，之後我地就行去行幾步就到嘅--大塘灣，嘩……個海好靚呀 ，近沙灘果邊嘅水就係白色，之後就係淺藍色，之後就係藍色，再之後就係深藍 ，陳才源老師話水清沙幼 ，我就覺得D水真係好清 ，至於沙就……咁我就摸下地下D沙，唔係幾覺幼喎 ，喺果度有好多石仔 ，咁我就攞黎(篇)石 ，我第一次(篇)石就有兩下嘅成績 ，已經好好嫁啦 ，之後繼續(篇)，(篇)到D人差唔多去晒我前面就繼續行，無啦啦落船果隻狗喺我隔離經過 ，好似帶路咁 ，咁我就追佢，追到譚叔佢地度就唔追啦，之後就同譚叔佢地一齊行，我一邊行，一邊(篇)下石 ，之後愈行愈多葉岩，之後去到斬頸洲，亞sir就話停低休息下，我就行去到海邊度(篇)石，(篇)左幾舊，就俾丫草用石仔掟我 ，搞到我差D跌落水 ，咁我就追丫草，之後貓so又幫丫草喎，咁我就唔掟丫草，掟貓so ，掟掟下我就喺地下攞D沙黎掟貓so ，掟到貓so成身都係 ，咁就停啦，坐左喺D石度倒對鞋D沙出黎，之後馬騮用D沙黎整我個袋 ，咁我就攞住D沙去追馬騮，追到海邊，佢冇路走 ，咁我就將D沙整喺佢個頭度，哈哈……整我呀挪 ，之後就坐喺D石度，坐左陣我又去(篇)石，之後E班D男仔攞D石掟落海 ，愈掟愈大塊 ，最後仲要掟D兩個人先至拎得起嘅大石黎掟 ，之後莫少邦用大石掟落海果時D水整到我 ，咁我就親佢行埋去海邊果時就用返石掟去水度整返佢 ，掟完之後我就轉身走，點知俾舊石剔親跌左落地 ，好彩冇擦傷到同唔痛 ，之後就繼續行啦，行呀行……!!!

12:30pm行到更樓石，亞sir就話大休，得半級黎到，其餘果半級就唔知死左去邊 ，咁我&譚叔&貓so&馬騮就坐左更樓石上面食午餐 ，舊石應該都有5米高，哨牙仔就坐左喺更樓石下面，面子輝就同果半級一齊失蹤，貓so喺舊石度用塗改液寫左~我愛馬慧中 2005年11月4日 cat~ ，嘩……洗唔洗咁痴情呀 ???我食飽就去捉左海膽睇 ，睇完就放返落D水度，因為佢會死嫁，之後1:15pm，果半級先返到黎 ，張翠玉話佢俾D學生罵佢帶錯路 ，唔係幾開心 ，之後1:35pm就繼續出發，我又一邊行，一邊(篇)下石，之後去到奶頭咀，有好多海膽喺果度 ，之後繼續行，經過亞媽灣，之後差唔多去到王爺角碼頭果時就有一間叫泰昌嘅士多 ，譚叔佢地就喺果度買野飲，之後行到王爺角碼頭等左陣就上船，上到船我地又坐喺之前個位，之後齊人2:30pm就開船，咁我&譚叔&貓so&哨牙仔就做地理果份野，靜係修地理先要做 ，仲要當小測分 ，做左幾題就借諾哥果份抄，抄完之後，譚叔佢地就喺位度訓 ，咁我就喺船度行黎行去，第二層有一半人係訓緊 ，周周&丫沈&蚊蚊訓緊，子輝就喺隔離睇住佢地唔好俾人整醒，廁所果度有個窗，個窗大半係山左，另外果少少就山唔到，咁有D男仔就喺果度睇入面 ，閒直變態 ，之後我就同哨牙仔&Fat子玩pair牌(撲克牌)--21點 ，玩左幾鋪就唔玩，之後就同Naddy佢地玩……!!!

4:00pm就到左馬料水碼頭，咁就落船，之後就同譚叔佢地行去火車站，之後就同子輝&譚叔&貓so&文兆軒搭火車返屋企，哨牙仔就唔知去左邊 ，返到屋企就4:30pm，咁就玩電腦，點知冇人add我 ，咁大約5:00pm就坐左喺張凳度，對住部電腦訓著左 ，之後5點幾細佬返黎就叫我返房訓 ，返到房就繼續訓 !!!

訓到7:00pm就起身，之後刷牙&沖涼&食飯&睇電視……

噢……今日我又黑左好多啦 ，早知今日就唔著我果件有領衫行啦 ，搞到我個心口都曬黑埋 !!!