今日7:30am起身，之後梳洗&換校服，之後返學校!!!

第一&二堂係電腦堂，亞sir又教Pascal，咁悶……咁我又訓著左 ，訓到9:00am就醒，之後就聽書!!!

第三&四堂係英文堂，一開始果時，招文廣入左黎同我地講有關我地中文堂嘅野 ，佢話搵左個老師代我地堂 ，仲有要逢星期一&三放學留低補課 ，唉……慘…… ，之後就走左，亞sir就帶我地去三樓電腦堂睇埋上次睇剩嘅電影我地睇 ，睇完仲有剩時間，咁就對答案!!!

第五&六堂係歷史堂，一開波就要小測，要測三條長問答 ，好鬼難 ，咁我就亂做交貨 ，測完仲有幾個字時間就教書!!!

之後放食飯，咪返屋企食飯，點知返到屋企冇人 ，咁就打電話俾老豆，佢話佢喺大圍，叫我去大排擋食，咁我就喺大排擋出面等佢，等到大約1:25pm老豆先到，咁食碟叉燒飯就番返學校，返到學校就去家資坐陣，之後就去圖書館借左本~血細胞麥高飛~ ，借完就返上課室睇左陣!!!

第七堂係數學堂，又唔係幾專心上堂!!!

第八堂係中文堂，個新亞sir黎到 ，佢成堂喺度講下佢D講，成堂都可以話係幾開心 ，因為佢有D搞笑 ，一開始果時，有D人好嘈，亞sir就用隻手指著佢地 ，個頭側側地，一隻眼開，一隻眼合，我覺得佢好似希特拉 ，不過頭髮稀左D ，同埋個鼻下面……少左D(蘇) ，佢話自己學過跳舞 ，話如果有機會就表演下，之後佢又話佢識太極 ，又話如果有機會就表演下，之後佢話有問過教書有幾多錢收 ，D人問佢做咩唔問，佢話佢黎依度係教書，唔係收錢，咁我話:「咁你出左糧就將D錢俾我啦!!!」 ，佢話:「好，你夠膽就拎!!!」 ，咁我答佢:「你夠膽俾我就夠膽拎!!!」 ，佢又話好 ，不過到最後會唔會俾呢 ???之後佢又話佢以前做訓導主任 ，俾以前人話:「你咁都做到訓導主任???」 ，果個人就俾亞sir記左個缺點 ，佢話:「因為佢睇唔起我!!!」，佢話佢做左咁內老師，記人缺點嘅次數都唔過十次 ，佢話D人唔交功課佢係唔會記缺點，因為佢又唔會損失，之後佢又話佢一個人大過我地其中三個同學，之後黃港建木無表情話:「邊度先???」 ，成班就喺度笑 ，個亞sir就好無奈 ，亞sir本來指年齡，點知黃港建話……之後講到放學!!!

放學就去左家資玩，玩到5:00pm就返屋企，返到屋企就玩電腦，之後子輝打電話問我倍唔倍佢去希爾頓買運動服 ，咁我就話去，之後玩多陣電腦就換衫，5:30pm就去文禮閣等子輝，等左陣子輝就到，之後等多陣馬慧中都到埋，之後我地就一齊行去希爾頓，去到就買運動服，買完就行陣，之後返屋企，返到屋企好似……7點幾 ，之後玩電腦……

細佬幫我借左~Q版特工--從陰間來的E-mail~&~Q版特工--北韓危機~俾我睇 !!!