今日7:30am起身，之後梳洗&換校服，之後返學校，返到學校我見冇老師企喺度睇我地洗手 ，咁就諗住唔洗啦，不過我見到好多人都洗手 ，咁我咪洗手囉，之後上課室擺書包，擺完就落去集隊!!!

第一堂係圖傳，死……今日咩都冇帶 ，好彩今日唔洗畫圖 ，剩係聽亞sir講新野--剖切圖，都幾複雜嘅 ，不過我都明 !!!

第二堂係地理堂，一開波就小測，唉……又冇溫書 ，三頁紙有差唔多一半係選擇題，最後果頁係測地貌，係大洋中脊&褶曲山，咁我冇溫到，如果係海溝就話姐，咁我就亂作 ，應該岩一半掛 ，交完我就睇睇書，死……我將褶曲山寫成……斷曲山 ，唉…… !!!

第三&四堂係數學堂，一開波就小測，測5條方程，總共有27分，我都識做 ，之後交完卷Miss派答案，下……第一條後面果一行計錯左 ，唔抵唔抵呀…… ，之後就教百分數&做數 !!!

第五&六堂係英文堂，今堂做Listen，咁我就畫下畫!!!

之後放食飯，咪返屋企食飯，食完飯就睇譚叔日記&打住今日上午嘅日記，1:50pm就返學校!!!

第七&八堂係中文堂，亞sir繼續教上堂未教完嘅~飲馬長城窟~，我又係好尊心聽嫁 ，教完就逐個出黎背~子衿~，喺位嘅就做預習!!!

放學就去左家資，見到D長跑嘅人準備出去試跑 ，咁我同子輝就報名 ，我冇帶體育衫，咁我就返屋企換，換完返返去，隔左陣就出發，由學校跑去文化博物館就返返學校，下……仲以為跑好多添 ，之後返到去就喺家資門口睇五育對劉百樂嘅女子籃球比賽，打左陣4比4，女仔就去休息，男仔打住先，五育好似落後緊 ，打左陣就到男仔休息，女仔打，又打左陣又換男仔，打左陣我地就落後五分 ，咁我就唔睇去後院打康樂棋，之後就去家資坐陣，6:15pm就返屋企，返到屋企就玩電腦……