今日7:35am起身，之後梳洗&換校服，之後返學校，喺班主堂果時，中央咪叫D IT服務生落去CAL ，話30班得7班交左班網頁 ，叫我地快D交 !!!

第一&二堂係英文堂，要默書 ，默上次默剩果D現在式、過去式等等，嗚嗚……我得56分 ，唔好以為合格，亞sir話70分先合格 ，要星期一留堂補默 ，默完之後就講下D圖書，講到剩返幾分鐘落堂就教書!!!

小息果時我就做英文剪報，其實唔係做，做抄譚叔 !!!

第三&四堂係歷史堂，教德國極權主義嘅崛起 !!!

第五堂係中文堂，亞sir教新一課書，教……詩 !!!

第六堂係數學堂，又係畫下圖，今堂我好尊心聽書嫁 !!!

之後放食飯，咪返屋企食飯，返到屋企，老豆整緊水喉 ，冇飯食 ，咁我就睇~Q版特工--北韓危機~等老豆，等到1:10pm，我地就去大排擋，咁我就叫左盒楊州炒飯返學校食，一邊行返學校，一邊睇~Q版特工--北韓危機~ ，好彩冇俾車車死 ，返到學校就去家資食，一邊食飯，一邊睇~Q版特工--北韓危機~ !!!

第七堂中四要去禮堂聽聽日去東平洲嘅事，我又睇~Q版特工--北韓危機~ ，又俾亞sir收左 ，又係完左俾返我 !!!

第八&九堂係電腦堂，教10進制、2進制、16進制，好易姐 !!!

放學就同貓so&譚叔去CAL，咁我同貓so就一齊做班網頁，個班網頁係岩岩開工 ，做到5:00pm就去左家資攞旗袋，之後返屋企，返到屋企睇左陣~Q版特工--北韓危機~ ，醒起電腦功課未交 ，就即刻換返校服，之後跑返番學校嘅電腦室 ，好彩肥昌未走 ，咁我就叫佢send俾我，咁交完6:00pm就返屋企，返到屋企就做英文剪報&約人去買聽日D野，之後7:00pm就落去新翠商場百佳等譚叔&馬騮，之後見到李政浩&莫少邦 ，之後佢地走左，去到去，我地見到哨牙仔 ，咁就一齊買 ，買到7:30pm仲未買到野 ，子輝就落黎，買到8:00pm終於買完就返屋企，返到去就食野&睇電視……